بە هەزاران هاوڵاتی حەسەکە، تەرمی هەر یەک لە شەهیدانی قەسەدە حسێن ئەلحسێن (لەوەند حەسەکە)، لوئەی محەمەد(گیڤارا حه‌سه‌كە)، ئەیاد ئە‌یۆ (برووسك حه‌سه‌كە)، عە‌لی ئە‌ل-سه‌رای (مولازم حه‌سه‌كە), خدر محه‌مه‌د (قه‌یسه‌ر حه‌سه‌كە), عە‌بدولره‌زاق سالح (برووسك حه‌سه‌كە)یان وەرگرتەوە کە لە چوارچێوەی بەرخۆدانی شکۆدا گیانیان بەخت کردووە. هاوڵاتیان تەرمەکانیان لە ئەنجومەنی بنەماڵەی شەهیدان وەرگرتەوە و بە کاروانێک بەرەو گۆڕستانی شەهید دژوار لە گوندی داودیە بەڕیکەوتن.

لە گۆڕستانەکە مەراسیمێکی شایستە  سازکرا و سەرەتا بە خوولەکێک وەستان بۆ ڕێزگرتن لە شەهیدان لەلایەن شەڕڤانانی یەپەگە و یەپەژە دەستیپێکرد. دواتر بەناوی هاوسەرۆکایەتی ئەنجومەنی بنەماڵەی شەهیدانی شاری حەسەکە یەنگین بادینی و بەناوی هێزە سەربازییەکانی شاری حەسەکە تۆلهەڵدان ڕۆژئاڤا و ئەندامی پەیەدە ئاخین عەلی وتەیان پێشکەش کرد.

قسەکەران سەرەخۆشیان لە بنەماڵەی شەهیدان کرد و وتیان: "ئەو شەڕڤانە قارەمانانە لەپێناو ئازادی وڵات شەهید بوون، ئێمە بەردەوام دەبین لەسەر رێبازەکەیان و خاکی خۆمان دەپارێزین. لە دژی داگیرکاریی دەوڵەتی تورک و چەتەکانی دەوەستینەوە و لە وڵاتی خۆمان دەریاندەکەین".

دوای پێشکەشکرنی وتەکان، ناسنامەی شەهیدان لە لایەن ڕۆژدا ئەحمەد ئەندامی ئەنجومەنی بنەماڵەی شەهیدانەوە خوێندرایەوە و ڕادەستی بنەماڵەکانیان کرا.

لە لایەن خۆشییەوە ئەنجومەنی بنەماڵەی شەهیدان ناسنامەی شەهیدانی قەسەدە عومەر عوبێد (خەبات حەسەکە) و موهەنەد حسێن (دلبرین دێرسم) شەڕڤانانی هێزەکانی خۆپاراستن محەمەد زوهدی ئەلعومەریان ئاشکرا کرد کە لە چوارچێوەی بەرخۆدانی شکۆدا شەهید بوون.

دواجار تەرمی شەهیدان لە لایەن جەماوەرەوە بە وتنەوەی دروشم بەخاکسپارد.