ناوەندی ڕاگەیاندنی یەپەگە ڕایگەیاند، شەڕڤانان یەپەگە لە ناوچەی ڕاجۆ وبلبلێ-ی عەفرین ٢ چالاکییان لەدژی سوپای داگیرکەری تورکیا وچەتەکان ئەنجامدا. یەپەگە دەستنیشانی کرد کە لە ئەنجامی ئەوچالاکییانەدا ٣ چەتەی دەوڵەتی تورکیا کوژران.
ناوەندی ڕاگەیاندنی یەکینەکانی پاراستنی گەل- یەپەگە دەربارەی چالاکی شەڕڤانانی یەپەگە لە عەفرین ڕاگەیەنراوێکی بڵاوکردەوە. یەپەگە ئاشکرای کرد کە ڕۆژی ٢ی تەشرینی یەکەم/ ١٠ی ڕەزبەر لە ناوچەی ڕاجۆ وبلبلێ-ی عەفرین لەدژی داگیرکەران چالاکییان ئەنجامداوە.
یەپەگە لە ڕاگەیەنراوەکەی خۆیدا ئەم زانیارییانەی بڵاوکردەوە:
" لە چوارچێوەی قۆناغی دوویەمینی بەرخۆدانی سەردەم لەعەفریندا هێزەکانمان لەدژی چەتەکانی سوپای تورکیا چالاکییان ئەنجامدا. لە ڕۆژی ٢ی تەشرینی یەکەم/١٠ی ڕەزبەر، یەکینەیەکی ئێمە لە دژی ئۆتۆمبیلێکی سەربازی چەتەکانی فرقەی حەمزە لە گوندی حاجی خەلیل-ی ناوچەی ڕاجۆ چالاکییان ئەنجامدا. لەو چالاکییەدا ئۆتۆمبیلەکە تێکشکا و٢ چەتە کوژران و٣ چەتەی تربریندار بوون.
لەهەمان ڕۆژدا هێزەکانمان لە سەر ڕێگەی گوندی شێخورەزێ-ی ناوچەی بلبلێ لەکەمینێکدا چەتەکانی فیرقەی یەکەمی سووڵتان موورادیان کردە ئامانج. لەو کەمینەدا چەتەیەک کوژرا."
ک٠ش
