پارتی سوریای پێشڤەرۆژ لە شاری منبج ڕێپێوانێکی ڕێکخست، لە ڕێپێوانەکەدا بە سەدان هاوڵاتی دانیشتووی منبج و نوێنەرانی بەڕێوەبەرایەتی سڤیلی دیموکراتیک لە شاری منبج و گوندەکانی دەوروبەری بەشدار بوون و داوای دەستوورێکی دیموکراتیکیان کرد کە نوێنەرانی هەموو پێکهاتەکانی بەبێ جیاوازی تێیدا بەشدار بن، هەورەها داوای پاراستنی ئازادی تاکەکەسی کرا لەسەر بنەما دیموکراتیک و فرەڕەنگی.

بەشداربووانی رێپێوانەکە وێنەکانی شەهیدان، لەناویاندا وێنەی شەهید هەڤرین خەلەف و پانکارتی "فرەڕەنگی ڕێبازمانە، دیموکراتی دروشممانە، لامەرکەزی ڕێبازمانە"، "نا بۆ دەسەڵاتی و نا بۆ مەرکەزیەت"، "بە ڕەنجی شەهیدانمان، داهاتووی سوریا دەنەخشێنین" و "دەستوورێکمان دەوێت بمانپارێزێت نەک لەناومان ببات".

رێپێوانەکە لە گۆڕەپانی گشتی بووە گردبوونەوە و بە خولەکێک ڕێزگرتن لە شەهیدان دەستیپێکرد. دواتر بەناوی پارتی سوریای پێشڤەرۆژ، ئەندامی پارتییەکە عیماد موسا قسەی کرد و ئاماژەی بەوە کرد کە لە سەرەتای بزووتنەوەی گەل لە ئازاری ٢٠١١دا گەل داوای مافەکانی ئازادی و ژیانی شکۆداری دەکرد. بەڵام تیرۆری بە هەلی زانی و دەولەتانیش پشتیوانیان کردن بۆ ئەوەی لە بەرژەوەندی ئەوان بجولێنەوە. دیمەنی یەکەمیش لە کۆبانێ ئاشکرا بوو و ئەوەی بە تیرۆری داعش دەستیپێکردیە لە دێرەزۆر لەناوچووە.

عیماد موسا ئاماژەی بەوەش کرد کە تیرۆری سیاسی بەدەستی دانیشتوانی ناوچەکانی باکور و ڕۆژهەڵاتی سوریا ڕووخا و لەناوچوو، ئەو هەرێمەی کردە نمونەی ئاسایش و ئارامی. هەروەها مووسا سەرنجی ڕکێشایە سەر ئەوەی کە ئەگەر ئەو سەرکەوتنە تەواو نابێت هەتا نوێنەراینی ڕاستەقینەی گەل لە هەموو کۆبوونەوە و دانووستانە نێونەتەوەییەکان لەبارەی چارەسەریی ئاڵۆزییەکان بەڕێوەدەچنن بەشدار نەبن.

دواتر بەناوی ڕێکخراوەکانی کۆمەڵگەی مەدەنی، ئەندامی بەڕێوەبەرایەتی عەبدولا هەجۆ لێدوانێکی دا کە ڕێککەوتنەکانی لەسەر حسابی گەلی سوریا ڕەت کردەوە و جەختی لەوە کردەوە کە تەنیا مافی گەلی سوریا هەیە کە بریار لەسەر چارەنووسی خۆیان بدەن. ئەوان خاوەنی ئەم خاکەن، هەموو بستێکی ئەم خاکە ئازاد دەکەن. ئاگاداری پاراستنی یەکێتی خاک و گەلن. هەروەها دەبێت دەستووری سوریا مافی هەموو پێکهاتەکان مسۆگەر بکات. 

رێپێوانەکە بە وتنەوەی درووشمەکان کۆتایی هات.