بەمەبەستی ئیدانەکردنی گۆشەگیری قورسی سەر عەبدوڵا ئۆجالان ڕێبەری گەلی کورد، یەکێتی ژنانی گەنج لە شاری کۆبانێ خۆپیشاندانێکی فراوانیان ڕێکخست.

خۆپیشاندانەکە لەبەردەم گۆڕەپانی ژنی ئازاد لە ناوەدنی شار دەستیپێکرد و بەرەو گۆڕەپانی ئەلسەلام لە باکوری شارەکە درێژەی کێشا، تێیدا پۆستەرەکانی ئۆجالان و پانکارتی ئیدانەکردنی گۆشەگیری بەرزکرابوونەوە.

لە گۆرەپانی ئەلسەلام ڕاگەیەندراوێک لەسەرناوی کۆنگرەی ستاری یەکێتی ژنانی گەنج خوێنرایەوە.

لە ڕاگەیەندراوەکەدا سڵاو لە بەرخۆدانی ئۆجالان لە ئیمراڵی نێردراو ئەوەش هاتبوو: سەرجەم گەلانی هەرێمەکە بۆ شەرەف و ئازادی بەرخۆدان دەکەن، وە بۆ ئازادی ڕێبەر ئاپۆ تێدەکۆشن.

هاوکات بانگەوازیش کرا لە سەرجەم ژنان بۆ ئازادی ئۆجالان تێکۆشان بەهێزتربکەن.

درباسییە

لە درباسییە-ش خۆپیشاندانێک بۆ ئیدانەکردنی گۆشەگیری ئیمرالی لەبەردەم ناوەندی گەنجانی شۆڕشگێری سوریا بەڕێوەچوو.

لە خۆپیشاندانەکەدا پانکارتی نوسراو" بە ڕۆحی گەنجان گۆشەگیری بشکێنە" و پۆستەرەکانی ئۆجالان بەرزکرابوونەوە.

ڕۆدی هەڤاڵ ئەندامی بەڕێوەبەری تەڤگەری گەنجانی شۆڕشگێڕی سوریا لە خۆپیشاندانەکەدا لێدوانێکی دا  هێرش و سیستەمی قڕکردنی دەوڵەتی تورکی لەسەر کوردان ئیدانەکرد و بانگەوازیشی لە ڕێکخراوەکانی مافی مرۆڤ کرد کە بەرپرسیارییەتی خۆیان لەبەرامبەر گۆشەگیری پێکبهێنن.

ڕۆدی جەختیشی کردەوە، کە تێکۆشانیان بۆ شکاندنی گۆشەگیری سەر ئۆجالان بەهێزتر دەکەن و گەنجان تا شکاندنی گۆشەگیری تێکۆشانیان بەردەوام دەکەن.

ب.ش