لە گوندەکانی مدباخا، مەزرەعەی ماڵی هەمدوش، داودیە، دڕدارا، موبارەکیە، میرەکیس و سیکەریەی سەر بە ناوچەی زڕگانی سەرێکانی لە شەوی یەکشەمەوە هێرشی داگیرکەری بەردەوامە.

لەگەڵ بەکارهێنانی تۆپ و تانک، فڕۆکە بێفڕۆکەوانەکانیش هێرش ئەنجام دەدەن.

لە گوندی موبارەکیە شەرڤانانی قەسەدە وڵامێکی توندیان دایە هێرشەکان و لە ئەنجامدا ٢٤ چەتە کوژران و دوو ئۆتۆموبیلی چەتەکانیش تێکشکێنران.

ڕاگەیەنرا لە گوندەکانی تر شەڕ ڕوویداوە و ژمارەیەکی زۆر داگیرکەر کوژراون و بریندارکران، بەڵام ژمارەیان نەزانراوە.

هێزە داگیرکەرەکان هەوڵیاندا سەرلەبەیانی ئەمڕۆ گوندی مدباخا داگیربکەن بەڵام شەرڤانانی هەسەدە وڵامێکی توندیان دایەوە و چەتەکان کە کوژراوێکی زۆریاندا بە ناچاری پاشەکشێیان کرد.

لەهەمانکاتدا لە گوندی سالی و تل قەرتەل هێرشی چەتەکانی ئەنقەرە تێکشکێنرا.

لە گوندی بابولخێر لە کۆتایی هەفتەوە شەڕێکی قوڕس ڕوودەدات. لە شەڕی یەکشەمەدا بە دەیان چەتە کوژران  و تانکێکی داگیرکەران تێکشکێنرا.

ف.ق