هێزەکان ئەرکی خۆپاراستن کە بەشدارن لە دوا قۆناغی هەڵمەتى گەردەولولی جزیر بە ناوی "شەڕی کۆتایهێنان بە تیرۆر" دواى رزگارکردنى گوندێک لە ٥ی تشرینى یەکەمدا لەو گوندەدا دەستیان بە هەڵمەتى گەڕان و پشکنین کرد و لە ئەنجامدا دەستیانگرت بەسەر ژمارەیەکى زۆر چەک و تەقەمەنیى چەتەکاندا.

عیسام عیسا بەرپرسی راگەیاندنى هێزەکانى ئەرکی خۆپاراستن لەو بارەیەوە رایگەیاند، هاوەنێکى ١٢ ملم و ژمارەیەکى زۆر گولـلەى هاوەن، چەکى دۆشکا و ژمارەیەکى زۆر گولـلەى چەکی دۆشکا و چەکەکانى ئەی کەی ٤٧ و بی کەی سی لەلایەن هێزەکانیانەوە دەستی بەسەردا گیراوە.

عیسا رایگەیاند، لەو ئۆپراسیۆنەدا کە هێزەکانیان ئەنجامیداوە ١٦ چەتەی داعش-یش لەلایەن هێزەکانیانەوە دەستگیرکراون.

هەڵمەتى کۆتایى گەردەلولی جزیر بە ناوی "شەڕی کۆتایهێنان بە تیرۆر" لەلایەن هێزەکانى سوریای دیموکراتیک (قەسەدە)ەوە دەستیپێکردووە و لە ئێستادا شەڕڤانان لە ناوچەکانى سوسێ و شەفێ نزیک بوونەتەوە.

ر.م