بەگوێرەی سەرچاوە خۆجێییەکان لە عەفرینەوە، هێزە داگیرکەرەکانی عەفرین لە ماوەی دوو ڕۆژدا، ٤٠ بنەماڵەی چەتەکانی غوتەی ڕۆژهەڵاتیان لە گوندی کاخور-ی سەر بە ماباتا جێگرکردووە.

ئەو سەرچاوانە ڕایانگەیاندووە، کە بنەماڵەی ئەو چەتانە لەو خانووانەدا جێگرکراون، کە خاوەنەکانیان بەهۆی زۆرداری چەتەکان و سوپای تورکیا ناچاربوون شوێنی ژیانیان بەجێبهێڵن یان ئەوەی لە خانووی خۆیان دەرکراون.

لە پاش داگیرکردنی عەفرینەوە تا ئێستا، بەپێی ڕێککەوتنی ڕووسیا و تورکیا هەزاران لە بنەماڵەکانی چەتەکان کە لە غوتەی ڕۆژهەڵات، دیمەشق و حومسەوە چوونەتە دەرەوە لە عەفرین جێگرکراون.

ک-ش