بەگوێرەی ئەو زانیارییانەی لە سەرچاوە هەرێمییەکانی جندرێسەوە بە دەستمان گەیشتووە، چەتەکانی فاروق لایەنی باشووری جندرێسیان گرتووە ڕێگانادەنە کەس لەوێوە هاتووچۆ بکات.

لەو ناوچانە چەتە قەناس بە دەستەکان جێگرکراون و بە هاووڵاتیان ڕاگەیەندراوە، ئەگەر لەو دەورووبەرانە ببیندرێن دەکرێنە ئامانج.

هەروەها، چەتەکانی جەیشی شەرقی هاووڵاتییەک بەناوی عەبدۆ محەمەد تۆبالیان ڕفاندووە و پاشان کوشتوویانە.

لەم دواییانەدا ژمارەیەکی زۆر لە هاووڵاتیانی جندرێس ڕفێندراون و ماڵ و موڵکیان تاڵانکراوە، هەروەها ژمارەیەک لە هاووڵاتیان بێسەروشوێن کراون.

لەبەرامبەر ئەو تاوانانەدا دوێنێ ژمارەیەک لە دایکانی جندرێس لە بەردەمی ناوەندێکی چەتەکان گردبوونەوە و بۆ ئازادکردنی منداڵەکانیان خۆپیشاندانی ناڕەزاییان ئەنجامدا.

چەتەکانیش ئەمڕۆ بۆ ڕێگریکردن لە خۆپیشاندانی دیکە جندرێسیان گەمارۆداوە و پێدەچێت فشارەکانیان بۆسەر هاووڵاتیان زیاتربکەن.

ک-ش