ژنانی عەفرین لە هەرێمی شەهبا رێکخستنەکانیان بەهێز دەکەن. لەو چوارچێوەیەدا بە بەشداریی ١٧ ژنی گەنج لە ١ی حوزەیرانەوە خولێکى پەروەردە دەستیپێکردووە. بەشداربوان ماوەى ٢ هەفتەیە بە ورە و جۆشێکى گەورەوە بەشدارن لە خولە پەروەردەییەکەدا.

یەکێک لە بەشداربوانی خولەکە ناوی هێڤا هاشمە و باسی لە ژیانی رۆژانەیان لە خولەکەدا کرد و رایگەیاند، سیمینارەکانیان بە زۆری لەسەر مێژوو، کۆمەڵگەى سروشتی و راستیی ژنان بوو.

هێڤا هاشم سەرنجی خستەسەر هەلومەرجی قورسی پەنابەرییان بەهۆی داگیرکەرییەوە و رایگەیاند، گەل و ژنانی گەنج ئەو دۆخە قورسە بۆ خۆیان ناکەنە ئاستەنگ و هەوڵ دەدەن خۆیان بە هەموو شێوەیەک پێشبخەن.

هێڤا هاشم ئەوەشی وت "لە رووخساری هەر بەشداربوویەکەى پەروەردەکەدا عەشق و خۆشەویستی و شەیدایی بۆ ئازادبوون و ژیانێکى راستەقینەیان دەبینی".

زەلیزان عوسمانیش راگیەیاند، پەروەردەکەیان خولێکى خۆبەڕێوەبردن و خۆسەر بوو و وتی "پێویستی بەوە هەیە هەموو ژنێک تواناکانی خۆبەڕێوەبردنی خۆی و خۆسەربوونی خۆی بناسێت. بۆ ئەوەى رامان و تێگەیشتنی خۆم بەهێز بکەم بەشدارییم لەم خولە پەروەردەییەدا کرد".

ژ.ت