کۆمیتەی بەڕێوەبەری کۆنگرەی نەتەوەی کوردستان-کەنەکە مەراسیمێکی رێکخست و هەر یەک لە نوێنەرانی ئەنجومەنی سوریای دیمۆکراتیک، قەسەدە، بەرێوەبەرایەتی خۆسەری باکور و رۆژهەڵاتی سوریا، بزوتنەوەی کۆمەڵگای دیمۆکراتیک، نوێنەرانی ئەنجومەنی ریش سپییانی باکور رۆژهەڵاتی سوریا، نوێنەرانی کۆمەڵگای ئیسلامی دیمۆکراتیک، نوێنەری عەشیرەتی عەرەب و کوردەکان و پارتە سیاسییەکان و کەسایەتە سەربەخۆکان تێیدا بەشدار بوون.

'بۆ یەکێتی نەتەوەیی گرنگە'

ئەکرەم حسۆ ئەندامی دەستەی بەرێوەبەری کەنەکە لە مەراسیمەکەدا پەیامیکی پێشکەش و تێیدا ئاماژەی بە گرنگی کردنەوەی نوسینگەی کەنەکەی کرد کە ماوەیەکی زۆرە کاری بۆ دەکەن و وتی:"لەم قۆناغەدا کردنەوەی نوسینگەی کەنەکە لە قامشلۆ گرنگییەکی زۆری هەیە."

کۆمیتەی بەڕێوەبەری کەنەکە دوای ئەوەی بە مەبەستی کردنەوەی نوسینگەکە سەرجەم پەڕاو و بەڵگەکانی پێشکەشی لایەنی پەیوەندیداری بەڕێوەبەرایەتی خۆسەری باکور و رۆژهەڵاتی سوریا کرد، بۆ ئەوەی لە سەرتاسەری ناوچەکە دەست بە کار و خەباتەکانی بکات، مۆڵەتی وەرگرت.

ز.ش