گرووپه‌چه‌كداره‌كانی كه‌مپی په‌نابه‌رانی یه‌رمووك له نزیك شام-ی پایته‌ختی سووریا كه فه‌له‌ستینییه‌كانی لێ ده‌مێننه‌وه، له دوای بۆمبارانی ڕژێمی سووریا، ڕازی بوون كه خۆیان ڕاده‌ست بكه‌ن.
به‌پێی هه‌واڵێكی ئاژانسی ڕۆیته‌رز كه پشتی به سه‌رچاوه‌یه‌كی ئاگادار له دانوستانه‌كانی نێوان ڕژێمی سووریا و گرووپه‌چه‌كداره‌كان به‌ستووه، ئه‌و گرووپه‌چه‌كدارانه خۆیان ڕاده‌ستی ڕژێم كردووه.
به‌پێی هه‌واڵه‌كه، گرووپه‌چه‌كداره‌كان به‌ره‌و ناوچه‌كانی ڕۆژهه‌ڵات و باكووری ڕۆژهه‌ڵاتی سووریا ده‌نێردرێن كه به‌شێك له‌و ناوچانه له‌ژێر كۆنتڕۆڵی داعشدان.
ڕژێمی سووریا له دوای كۆنتڕۆڵكردنی غووته‌ی ڕۆژهه‌ڵات، پێگه‌ی خۆی له ده‌وروبه‌ری شام به‌هێز كرد. به‌ر له خۆڕاده‌ستكردنی ئه‌م گرووپه‌چه‌كدارانه‌ش، بۆمبارانی كه‌مپی یه‌رمووكی كردبوو.
s.m
