یەپەگە ناسنامەی شەهیدێکی ئاشکرا کرد
یەپەگە ڕایگەیاند شەڕڤانێکیان بەهۆی نەخۆشیەوە لە ٥ی تەموزدا لە حەسەکە شەهید بووە.
ناوەندی ڕاگەیاندن و چاپەمەنی یەپەگە لەمبارەیەوە ڕاگەیەنراوێکی بڵاوکردەوە کە بەم شێوەیەیە:
"هاوڕێکەمان عومەر شێخۆ ٥ی تەموز لە ئەنجامی نەخۆشیدا لە شاری حەسەکە شەهید بوو.
هاوڕێ عومەر شێخۆ لە شاری عەفرین لەناو خانەوادەیەکی وڵاتپارێزدا لەدایکبوو. بەهۆی کاریگەری شەڕی بەرخۆدانی ئێمە، شۆڕشی ڕۆژئاوا و باکووری سوریای ناسی و بەشداری کرد. بڕوای تەواوی بە تێکۆشان و بەرخۆدانی گەلی ئێمە لەسەر بناغەی ئازادی و یەکێتی هەبوو و دوایین ساتەکانی ژیانی لەدژی هەرجۆرە دواکەوتووی وەستایەوە. هاوڕێ عومەر شێخۆ ئەرک و بەرپرسیاری خۆی بە شێوەیەکی سەرکەوتووانە جێبەجێ کرد.
ناسنامەی هاوڕێ شەهیدەکەمان بەم شێوەیەیە:
ناو و پاشناو: عومەر شێخۆ
ناوی دایک: فاتیمە
ناوی باوک: حەسەن
شوێنی لەدایکبوون: عەفرین
شوێن و مێژووی شەهادەت: حەسەدەکە/٥ی تەموزی ٢٠٢٠
ئێمە لە کەسایەتی هاوڕێ عومەر شێخۆدا بەڕێزەوە یادی هەموو شەهیدەکانمان دەکەینەوە. سەرەخۆشی خۆمان ئاڕاستەی خانەوادەی شەهید و گەلەکەمان دەکەین."
ف.ق
