بەرخۆدان دژی دانانی قەیوم لە چەند شارێک لە دووەمین ڕۆژدا بەردەوامە.

موش

ڕێکخستنی پارتی یەکسانی و دیموکراسیی گەلان (دەم پارتی) موش لەبەردەم بینای پارتەکە ڕاگەیاندراوی خوێندەوە.

ئەندامی مەجلیسی گشتی دەم پارتی شارەکە، یەعقوب یالچین کایا دانانی قەیومی وەک "کودەتای سیاسی" و حساب نەکردن بۆ ئەنجامی هەڵبژاردن و زەوتکردنی ئیرادەی گەلی کورد ناساند، محەمەد سدیق ئاکیش نوێنەری ملیۆنان مرۆڤی کوردە، گوتی: "ئەوەی زەوتکراوە دیموکراسییە، زەوتکردن و تاڵان و قبووڵ نەکردنی ئیرادەی گەلە. ئەمە داگیرکارییە".

جەختی کردەوە ڕێگە بەم کودەتایە نادەن و هیچ ئیرادەیەک لە ئیرادەی گەل بەهێزتر نییە.

ئەنقەرە

ڕێکخستنی دەم پارتی ئەنقەرە لەبەردەم دەرگای پەرلەمان ڕاگەیاندراوی خوێندەوە، جەماوەر ڕووبەڕووی ئاستەنگی پۆلیس بوونەوە و ژمارەیەک پۆلیس لێیان درا، پاشان ڕاگەیاندراو خوێنرایەوە و پەرلەمانتاری دەم پارتی بورجوگول چوبوک قسەی کرد و ڕایگەیاند دانانی قەیوم قبووڵ ناکەن.

دواتر جەماوەر چوونە نێو پەرلەمان، پەرلەمانتاری دەم پارتی هەڤاڵ بۆزداغ گوتی: "ئەمە کودەتای سیاسییە، دەستتان لەسەر ئیرادەمان هەڵبگرن".

ئیستەنبوڵ

ناوەندی چاندی میزۆپۆتامیا ڕاگەیاندراوێکی نوسراوی لەسەر میدیای دیجیتاڵ بڵاوکردەوە. ڕایگەیاند وەک هونەرمەندان پابەندی بەرخۆدانی گەلی خۆیانن و دەڵێت: "ئەم هەڵوێستەی دوژمنایەتی گەلی کورد بە هیچ شێوەیەک قبووڵ ناکەین و بانگەواز لە هەموو هونەرمەندان دەکەین دژی ئەم زیهنیەتە هەڵوێست نیشان بدەن. قەیوم مەزنترین دوژمنی هونەرە! قەیوم فاشیزمە! قەیوم کودەتایە!".

ئامەد

پلاتفۆرمی پاراستن و پشتیوانی شاری ئامەد، لەبەردەم دادگای ئامەد کۆبوونەوە، جەماوەر لەلایەن پۆلیسەوە گەمارۆدران، جەماوەر بە چەپڵە و درووشم گەمارۆکەیان شەرمەزارکرد.

لەسەر ناوی پلاتفۆرمەکە سەردار کەسکین ڕایگەیاند دانانی قەیوم هیچ بناغەیەکی یاسایی نییە. داوای کرد دەست لە سیاسەتی دانانی قەیوم هەڵبگیرێت و ڕێز لە ئیرادەی گەلی جولەمێرگ بگیرێت.