فەرماندەیی بڕیارگەی نەپەگە: ئێمە لەسەر هێڵی شەهیدان دەبین

نەپەگە بە ڕێزەوە یادی شەهیدانی مانگی ئایاری کردەوە و ڕایگەیاند، "ئێمە هەمیشە دەبینە شوێنکەوتووی شەهیدان و ڕێپێوانەکەمان و تێکۆشانەکەمان بۆ ڕێبەرایەتیی ئازاد، کوردستانی ئازاد هەموو ڕۆژێک بەهێزتر و گەورەتر دەکەین و بە سەرکەوتن تاجداری دەکەین".

فەرماندەیی بڕیارگەى ناوەندی پاراستنی گەل (نەپەگە) بە بۆنەی مانگی شەهیدانەوە ڕگەیاندراوێکی بڵاوکردەوە.

فەرماندەیەکە ڕایگەیاند: "تێکۆشانی ئێمە بۆ ئازادی، کە ماوەی نیو سەدەیە بەردەوامە، هەموو ڕۆژێک لە سایەی شەهیدان دا، کە داستانی قارەمانانە تۆمار دەکەن هەموو ساڵێک واتادارتر و مێژوویی تر بووە، لە مانگی ئایاردا چەندین پێشەنگی مەزن شەهید بوون، هەم لە تێکۆشانی ئازادی لە کوردستان و هەم لە تێکۆشانی شۆڕشی تورکیادا، یەکێک لە پێشەنگە شۆڕشگێڕە ئینتەرناسیۆنالیستە  گەورەکان هەڤاڵمان حەقی قەرارە، کە لە ١٨ی ئایاری ١٩٧٧دا شەهید بوو، کاتێک حەقی قەرار لەگەڵ ڕێبەر ئاپۆ بناغەی حزبەکەمانی دانا و بە فیداکاریترین و و چڕترین و سەختترین شێوە بەشداری تێکۆشان بوو، ڕێبەر ئاپۆ لە بەر ئەوە ١٨ی ئایاری وەک "ڕۆژی شەهیدان" پێناسە کرد، مانگی ئایار وەک 'مانگی شەهیدان' واتادار بوو و چووە ناو مێژووەوە".

"بە ڕێکخستنی تێکۆشان ئێمە خاوەنداری لە یادی شەهیدانمان دەکەین"

لە راگەیەندراوەکەی فەرماندەیی بڕیارگەى نەپەگەدا هاتووە:

"لە ڕۆژی ١ی ئایار عەبدولقادر چوبوکچو لە لوبنان، فەرماندەی ئەیالەتی گارزان ڕەمەزان کاپڵان (جەلال هۆجا) و هەڤاڵەکانی، فەرماندەی هێژا جودی حەمزە و هەڤاڵەکانی، لە ٢ی ئایاردا، یەکەم فەرماندەمان، هاوڕێ محەمەد قەرەسونگور و ئیبراهیم بیلگین و فەرماندەکانی گۆڕەپانی ناوەڕاستمان ئازاد سیسەر و چەکدار ئامەد، لە ٦ی ئایار دەنیز گەزمیش، یوسف ئاسڵان و حسێن ئینان، لە ٩ی ئایاردا شۆڕشگێڕانی هێژای پەژاک فەرزاد کەمانگەر، شیرین عەلەم هولی، عەلی حەیدەریان و فەرهاد وەکیلی، لە ١١ی ئایاردا  غوربەت ئایدین (مزگین)؛ لە ١٦ی ئایاردا لە شاری هەولێر دەیان هەڤاڵمان وەک هێلین و ساڵح و ئۆزان، لە ١٨ی ئایاردا چوارەکە، (فەرهاد کورتای، ئەشرەف ئانیک، مەحمود زەنگین و نەجمی ئۆنەر) و ڕێبەر شۆڕشگێڕ ئیبراهیم کایپاکایا، لە ١٩ی ئایار خلیل  چاڤگون و موسلوم باران، لە ٢٢ی ئایاردا ١٦ هەڤاڵمان لەلایەن سوپای تورکەوە بە چەکی کیمیایی لە هەرێمی یەدیسو لە چەولیک شەهید بوون، لە ٣١ی ئایاردا سینان جەمگیل و هەڤاڵەکانی لە نورحەق لە پێشەنگەکانی شۆڕشگێڕی تورکیا شەهید بوون. ئایار، کە مانگی شەهیدانە، بووە مانگێک، کە هەزاران قارەمان بە بەرخۆدان و لە بەرەنگاریی گەورەدا شەهید بوون. لە ٤٥هەمین ساڵیادی شەهیدبوونی هەڤاڵی حەقی قەراردا و لە کەسایەتییانەدا بە ڕێز و پێزانینەوە یادی شەهیدانی شۆڕش دەکەینەوە، بەڵێنی ئەوە دەدەین، کە بە ڕێکخستنی تێکۆشان ئێمە خاوەنداری لە یادی شەهیدەکانمان دەکەینەوە.

پارتەکەمان پەکەکە وەک 'پارتی شەهیدان' ماوەی نیو سەدەیە لەسەر بنەمای هێڵی شەهیدان گەیشتووەتە ئەم ئاستە و ئەم سەردەمە. تێگەیشتن لە پەکەکە، ژیان بە پێوەرەکانی پەکەکە بە تێگەیشتن لە ڕاستینەی شەهیدان، بە ژیان بەپێی ئەو ڕاستییە بەدی دێت. داگیرکەران و سیستمی مۆدێرنیتەی سەرمایەداریی لە کوردستاندا داگیرکاری و چەوساندنەوەیەکی ئاسایی ئەنجام نادەن، بەڵکو  داگیرکەرییەکی گەورەیان بۆ خۆیان کردووەتە بنەما، کە گەلی کورد لە زمان، ناسنامە، کولتور و مێژووی خۆی دووربخەنەوە. سەرەڕای کوشتار و کۆمەڵکوژی و پاکتاوکاری بێشومار و جینۆسایدی جەستەیی هەوڵیان دا، کە لە ژێر فشاری جینۆسایدی کولتووریدا گەلەکەمان لە ڕووی عەقڵ و هۆش و مێژووەوە لەناو ببەن. گەلێک، کە ناوەکەشی قەدەغەکرا بوو، بوون و نەبوونیشی مشتومڕی لەسەر بوو، ئەو گەلە ئەمڕۆ بووە بە گەلێک، کە شەڕی گەلی شۆڕشگێڕی بەڕێوەدەبات و هەوڵی بەدەستهێنانی ئازادی دەدات و لە پێناو ئەوەشدا بە شێوەی فیدایانە شەهید دەبەخشن. ئەمە بە ئاسانی ڕووی نەداوە. لە پشت هەر وشەیەک و لە بنەمای هەموو وشەیەک دا، هەموو ڕێکخستنێکدا، هەموو رێکخراوێکدا، هەموو هۆشیارییەک و هۆشمەندییەکەدا، هەر ڕێباز و بەهایەک، کە بە ناوی کورد و کوردستان هەمانە، بە ڕەنج، فیداکاری و خوێنی شەهیدانمان بەدیهاتووە، ئەگەر ئەمڕۆ خەڵکی کوردستان گەرەنتیی هەبوونی خۆیان کردبێت، کە ئیدی نکۆڵییان لێ ناکرێت و نابێت، ئەگەر بەرەو ئازادی هەنگاو دەنێن، ئەگەر بە شانازییەوە دەتوانن ناوی کورد و کوردستان بهێننە زمان، ئەوانە لە سایەی سوپای شەهیدە نەمرەکان دا بەدیهاتووە.

ئەوەی دۆزێک دەکات بە دۆز و بەرەو سەرکەوتنی دەبات ئەو شەهیدانەن، کە لە پێناویدا گیانی خۆیان فیدا کردووە، ژمارەیەکی زۆر لە ڕۆڵەکانی گیانی خۆیان بۆی فیدا کردووە، ئەگەر ئەوە نەبێت ناتوانن ئازادی بەدەست بهێنن، ئەم ڕاستییە لە کۆنەوە بەو شێوەیەیە، ئێستاش هەر بەو شێوەیەیە. ئەگەر ئەمڕۆ خەڵکی کوردستان بە متمانە و بە هەنگاوی بڕوابەخۆکردن بەرەو ئازادی هەنگاو دەنێن، ئەوە بێگومان لە سایەی شەهیدانمانەوە بەدیهاتووە، کە گیانی خۆیان بۆ ئەم گەلە بەخت کردووە. ئەمە ڕاستییەکی وەهایە، کە لە کەسایەتیی شۆڕشگێڕە پێشەنگەکاندا زەقبووەتەوە. ئەو قارەمانانە، کە گیانی خۆیان لە پێناو بەها سروشتییەکانی خۆیان دا بەخت کردووە، بۆ گەلی کوردستان ڕاستییەکی دڵنیایی و مسۆگەرکردنە. گەلەکەمان هەمیشە وەفاداری شەهیدان بووە، گیانی خۆیان بۆ بەخت کردوون، بۆیە ڕاستیی شەهادەتی شەهیدەکان لە ئەمڕۆی کوردستان دا دەبینرێت و ئەوەش لە پێناو دۆزی ئازادیدا سووربوون و پێداگری و بوێریمان  بۆ پرسی ئازادی پێدەبەخشێت.

هەڵوێستی فیدایی ئاپۆیی ئێمە سەردەخات

سوپای شەهیدانی نەمری پەکەکە، لە تێکۆشانی ئێمە بۆ ئازادی کە بە بێ ڕاوەستان بەردەوام دەبێت، هەموو ڕۆژێک گەشە دەکات، هەر شەهیدبوونێک، هەر داستانێکی قارەمانێتی و هەڵوێستی فیدایی ئاپۆیی دەبێتە سەرکەوتنمان. لە ٤٦هەمین مانگی شەهیداندا، بە شێوەیەکی سەرەکی لە زاپ و ئاڤاشین، لە هەموو پارچەکانی کوردستان، هەڤاڵانمان قارەمانانە بەرخۆدانیان کرد و قارەمانانە بە بەرخۆدانی خۆیان نوێنەرایەتیی هێڵی شەهیدانیان کرد، قارەمانانە بەرەو شەهید بوون دەڕۆن. هەتا گەلی کوردستان خاوەنی ئەو ڕۆڵە فیداییانە بێت، کە باشتر و ئازایانەتر و زیاتر شەڕ دەکەن، ئەم دۆزی ئازادییە هەرگیز نابەزێنرێت و تێکناشکێت و بێگومان هەر  سەردەکەوێت.

وەک هێزەکانی بەرگری و پاراستنی گەلی کوردستان، کە بە پێشەنگایەتی پارتی شەهیدانی پەکەکە دەجەنگین، هەمیشە لە ڕیزی شەهیداندا دەبین، بە بڕیاربوون و سووربوونی خۆمان نیشان دەدەن، کە ڕێپێوانی ڕێبەرایەتی ئازاد و کوردستانی ئازاد هەموو ڕۆژێک گەورەتر و بەهێزتر بکەین، خاوەنداری لە یادی شەهیدانمان دەکەین و یادیان بە سەرکەوتن تاجدار دەکەین. لەسەر ئەم بنەمایە جارێکی تر یادی شەهیدەکانمان بە ڕێز و سوپاس وپێزانینەوە دەکەینەوە و بەڵێنی خۆمان دووپات دەکەینەوە، کە هەرگیز لەسەر ژیانی هێژا و شایستەی یادکردنەوەیان سازش ناکەین و شەڕ دەکەین و تێدەکۆشین و بە دڵنیاییەوە سەردەکەوین".

ژ.ت