جەنگاوەرانی حەقی کارەری بزوتنەوەی شۆڕشی یەکگرتووی گەلان (هەبەدەهە) رایانگەیاند، کە ئەوان لە دژی ئۆپراسیۆنە سیاسی و سەربازییەکان لە تورکیا و کوردستان دەستیان بە سەفەربەری چالاکی کردووە.

لە راگەیەندراوەکەدا ئەوەش خراوەتەڕوو، " جەنگاوەرانی حەقی کارەر رۆژی ٨ی ئایار کاتژمێر ٠٣:٠٠ لەناوچەی مودانیای بورسا ئۆتۆمبێلی فاشیستێکیان داوەتە بەر ئاگر و لە ئەنجامدا ئۆتۆمبێلەکە بە جۆرێک سوتاوە کە جارێکیتر نەتوانرێت بەکاربهێندرێتەوە".

لە درێژەی راگەیەندراوەکەدا ئەو بابەتانە هاتوون: "وەک جەنگاوەرانی هەبەدەهە لە ئێستاوە هەموو چالاکییەکانمان وەک وەڵامدانەوەی ئەو هێرشە فاشیستی-قڕکەریانە ئەنجام دەدرێن".

لە راگەیەندراوەکەدا گۆشەگیری سەر رێبەری گەلی کورد عەبدوڵا ئۆجالان بەبیرهێنرایەوە و لەوبارەوە هاتووە، "رۆژ، رۆژی شکاندنی گۆشەگیری و دەستەبەرکردنی ئازادی جەستەیی رێبەری گەلی کورد عەبدوڵا ئۆجالانە، رۆژی تێکشکاندنی داگیرکەران و دەرکردنی دامەزراوەکانیانە لە کوردستان".

هـ . ب