لە ٢٨ ی کانوونی یەکەمی ٢٠١١ لە گوندی ڕۆبۆسکی ناوچەی قلەبانی شەرناخ، ٣٤ کەس کوژراون کە ١٩ یان منداڵ بوون. ١٤٩ مانگ بەسەر ئەو کۆمەڵکوژییەدا تێپەڕیوە. هەوڵی دادپەروەری بۆ ڕۆبۆسکی بۆ لێپرسینەوە لە کۆمەڵکوژییەکە و دادگاییکردنی بەرپرسیارانی کۆمەڵکوژییەکە هەموو ٢٨ی مانگێک کۆدەبێتەوە، ئەمڕۆ لە بەردەم کۆمەڵەی مافی مرۆڤ (ئیهەدە) لقی ئەنقەرە ڕاگەیەندراویان خوێندەوە. نوێنەرانی ڕێکخراوەکانی کۆمەڵگەی مەدەنی بەشدارییان لە چالاکییەدا کرد و تیایدا پانکارتی "با بکوژان بدۆزرێنەوە، با ڕۆبۆسکی دووبارە نەبێتەوە" بەرزکرایەوە.

ئەندامی هەوڵەکە تانجو گوندوزالپ ڕایگەیاند دادپەروەری بۆ ڕۆبۆسکی واتای دژایەتیکردنی سنوورەکان و شەڕ و برسێتییە، هەوڵە بۆ ژیانێکی ئاشتییانە؛ ڕۆبۆسکی لە یەک کاتدا سیمبولی شەڕ و ئاشتییە. ئەوانەی دادپەروەری پێک ناهێنن و هەڵهاتن لە سزا دەسەپێنن، هەمیشە لە لاپەڕە ڕەشەکانی مێژوودا دەمێننەوە، گوتی: "هەوڵدەدەن ئەم کۆمەڵکوژییە بشارنەوە، بەڵام کەسانی دەست بە خوێن، ناتوانن بیشارنەوە. ئەوانەی ١٢ ساڵ پێش ئێستە لە ڕۆبۆسکی کۆمەڵکوژیان ئەنجامدا و ئەوانەی دوێنێ مناڵ و پەنابەریان لە سنووری ڕەفەحی غەزە لەنێو خێمەکاندا کوشت، بکوژی سەر بە هەمان سیاسەتی شەڕن".