ئێشکگرییەکان پاش دەستبەسەراگرتنی شارەوانی جولەمێرگ لەلایەن فاشیزمی ئاکەپە-مەهەپەوە، لەبەردەم شارەوانییەکانی دەم پارتی و چالاکییەکانی دانیشتن لە چەند شارێک بەردەوامە.

ئەدەنە

دەم پارتی و پارت و ڕێکخراوەکان لە پارکی مناڵان لە شەقامی چارشەمبە لە گەڕەکی باربارۆسی ناوچەی سەیحان کۆبوونەوە، پۆلیس ویستی چالاکییەکە ئاستەنگ بکات، بەڵام جەماوەر سەرەڕای ئاستەنگی پۆلیس چالاکی دانیشتنیان ئەنجامدا.

جەماوەر بە بەرزکردنەوەی درووشم و پانکارتەکان دژی دەستبەسەراگرتن، وەڵامی ئاستەنگی پۆلیسیان دایەوە.

لەسەر ناوی ڕێکخستنی دەم پارتی ئەدەنە، سەیفەدین ئایدەمیر سەرەخۆشی لە بنەماڵەی ئەو کەسانەی کرد بەهۆی ئاگرەکەی ئامەد و مێردینەوە گیانیان لەدەستدا، داوای کرد لێکۆڵینەوە لە DEDAŞ بکرێت. بانگەوازی لە دەسەڵاتی ئاکەپە-مەهەپە کرد دەست هەڵبگرێت لە سیاسەتی دەستبەسەراگرتنی ئیرادە. چالاکی دانیشتن بە چەپڵە و درووشـم کۆتایی هات.

وان

چالاکی ئێشکگری لەبەردەم شارەوانی وان بە بەشداری پارت و ڕێکخراوەکان و هاوڵاتیان بەردەوام بوو.

هاوسەرۆکی دەم پارتی وان، وەیسی دلەکچی قوربانیانی ئاگرەکەی مێردین و ئامەدی بیرهێنایەوە و گوتی: "ڕایگەیاند پارتەکەمان بەرامبەر ڕووداوە سەختەکان هەردەم ئەرک و بەرپرسیارێتی خۆی بەجێگەیاندووە، لە ڕۆژی یەکەمەوە تا ئێستە، پشتیوانی نیشان داوە". هەروەها ڕایگەیاند چالاکییەکان دژی دانانی قەیوم لەبەردەم شارەوانییەکان، بە فۆرمێکی تر بەردەوام دەبێت.