لە شاری هێلبرۆنی ئەڵمانیا بۆ هاوکاری ڕۆژئاوا خێمەی هاوکاری دانرا. لە خێمەکەدا ئەو خواردنانەی کوردان و دۆستەکانیان ئامادەیان کردبوو، فرۆشرا و وەک هاوکاری بۆ ڕۆژئاوا کۆکرایەوە.

خێمەکە پێشوازییەکی گەرمی لێ کرا و ٢ ڕۆژ بەردەوام دەبێت. هاوکارییەکان لەڕێگەی مانگی سووری کوردستانەوە دەنێردرێت بۆ ڕۆژئاوا.

لە چالاکییەکەدا دیسانەوە ڕۆحی پشتیوانی بۆ ڕۆژئاوا نیشان درایەوە، گرووپێکی سۆسیالیستی تورک و نوێنەری پارتی (Die Linke) سەردانی خێمەکەیان کرد و پشتگیریان نیشاندا. داهات و هاوکارییەکان بۆ ڕۆژئاوا دەنێردرێت.

ڕێکخەرانی چالاکییەکە سوپاسی بەشداربووانیان کرد و دووپاتیان کردەوە ئەم هاوکارییە دەبێتە پشتگیرییەکی مەزن بۆ گەلانی هەرێمەکە.