بۆ پشتیوانی لە گەڕان بەدوای دادپەروەری دایکانی شەممە کە ١٠٠٠ هەفتەیە بەردەوامە، بە پێشەنگایەتی یەکێتی هێزە دیموکراتیکەکانی ئەوروپا لە ٦١ ناوەندی ئەوروپا چالاکی ئەنجامدرا.

بەم بۆنەیەوە لە شارەکانی بێرن و بازل و زیوریخ و بازلی سویسرا چالاکی ئەنجامدرا.

لە چالاکییەکاندا وێنەی بێسەروشوێنان بەرزکرایەوە و مۆم داگیرسێنرا، سڵاو لە چالاکی دایکانی شەممە کرا.

لە شاری بێرن سیاسەتمەدار نەجدەت ئاتالای لەسەر ناوی کۆنسەی کوردی دیموکراتیکی سویسرا، تیشکی خستەسەر چالاکی دایکانی شەممە و ئەمینە شەنیاشار، داخوازی دادپەروەری ئەمینە شەنیاشاری بیرهێنایەوە کە لە نەورۆزدا بانگەوازی لە ملیۆنان کەس کرد.

لە شاری زیوریخ تیشکی خرایە سەر بەردەوامی چالاکییەکەی دایکانی شەممە و گرنگی چالاکییەکە بۆ لێپرسینەوە لە تاوانباران و بکوژانی هەزاران وڵاتپارێز.

لە چالاکییەکەی بازل هاوسەرۆکی فیدراسیۆنی کرێکارانی کۆچبەری سویسرا، گوڵدەرەن سەڤیم ڕایگەیاند ئەم تێکۆشانە لەگەڵ دامەزراندنی دەوڵەتی فاشیستەوە بەردەوامە و گوتی: "هەتا چارەنووسی هەموو بێسەروشوێنان ئاشکرا نەکەین، تێکۆشانی دادپەروەریمان بەردەوام دەبێت. ئێمەش لە ئەوروپا درێژە بە پشتیوانییەکانمان دەدەین".