کوردان لەبەردەم ڕێکخراوی لێبووردنی لەندەن کۆبوونەوە و گۆشەگیری ڕەها و سزای دیسپلینی سەر ڕێبەری گەلی کورد عەبدوڵا ئۆجالانیان شەرمەزار کرد و بانگەوازیان لە ڕێکخراوی لێبووردنی نێونەتەوەیی کرد ڕۆڵ بگێڕێت.
لە شاری لەندەن بەریتانیا بێدەنگی ڕێکخراوی لێبووردنی لەندەن گۆشەگیری سەر ڕێبەری گەلی کورد عەبدوڵا ئۆجالان شەرمەزارکرا.
چالاکییەکە بە پێشەنگایەتی مەجلیسی گەلی کوردی لەندەن و مەجلیسی ژنانی ژیان لەبەردەم بینای ڕێکخراوی لێبووردنی لەندەن ئەنجامدرام درووشمی "ئازادی بۆ ئۆجالان" و "دوێنێ ماندێلا، ئەمڕۆ ئۆجالان"، "بژی کوردستان، بژی ئۆجالان" و "بڕوخێت فاشیزمی تورک" بەرزکرایەوە. وێنەی ڕێبەری گەلی کورد عەبدوڵا ئۆجالان و پانکارتی شەرمەزارکردنی گۆشەگیری بەرزکرایەوە.
لەسەر ناوی کۆمیتەکە بەرفین دێرسیم قسەی کرد و تیشکخرایەسەر گۆشەگیری ڕەهای ڕێبەری گەلی کورد عەبدوڵا ئۆجالان و قەدەغەکردنی دیدار بۆ ماوەی 6 مانگ.
بەرفین ئاماژەی بەوە کرد گۆشەگیری ڕەها لە ئیمراڵی بەردەوامە و بێجگە لە ڕێبەری گەلی کورد عەبدوڵا ئۆجالان، قەدەغە و فشار لەسەر عومەر خەیری کۆنار و وەیسی ئاکتاش ۆ حامیلی یەڵدرم بەردەوامە.
بەرفین دێرسیم ڕایگەیاند سی پی تی بە بێدەنگییەکەی بەرامبەر گۆشەگیری ڕەها کە پێشێلکاری مافە نێونەتەوەییەکانە، دەبێتە هاوبەشی سیاسەتی گۆشەگیری و مامەڵەی خراپ لە تورکیا، ڕایگەیاند پێویستە ڕێکخراوی لێبووردن ڕۆڵی خۆی بگێڕێت.
پاش وتەکان جەماوەر بە چەپڵە و درووشم درێژەیان بە چالاکییەکەیان دا.
