پارێزەران داوای بینینی رێبەر ئۆجالانیان کردەوە
بەمەبەستی سەردانکردنی بریگرتەکەیان لە زیندانی دوورگەی ئیمراڵی، جارێکی دیکە پارێزەرانی ڕێبەر ئۆجالان سەردانی داواکاری گشتیی کۆماری بورسایان کرد.
مەزلوم دینچ، ئیبراهیم بیلمەز، نەورۆز ئویسال و سەربای کۆکلو، پارێزەرانی عەبدوڵا ئۆجالان ڕێبەری گەلی کورد، بۆ ئەوەی لە زیندانی دوورگەی ئیمراڵی چاویان بە بریگرتەکەیان بکەوێت، جارێکی دیکە داوای سەردانکردنیان ڕادەستی داواکاری گشتیی کۆماری بورسا کرد.
پارێزەران دوای هەشت ساڵ ڕێگریی، لە ٢ی ئایاری ٢٠١٩ و لە دوایین جاریشدا لە ٧ی ئابی ٢٠١٩ دا توانیبویان چاویان بە بریگرتەکەیان بکەوێت، بەڵام دوای ئەوە تا ئێستا وەڵامی داواکارییەکانیان نەدراوەتەوە.
ف.ق
