وەزیری تەندروستی عێراق: تووشبوون بە ڤایرۆسە نوێیەكەی كۆرۆنا تۆمار كرا
وەزیری تەندروستی عێراق رایگەیاند، تووشبوون بە ڤایرۆسە نوێیەكەی كۆرۆنا تۆمار كراوە و هۆشداریش دەداتە هاووڵاتییان لە بڵاوبوونەوەی پەتاكە.
ئەمڕۆ دووشەممە حەسەن تەمیمی وەزیری تەندروستی عێراق رایگەیاند، چەند حاڵەتێكی تووشبوون بە ڤایرۆسە نوێیەكەی كۆرۆنا لە عێراق تۆمار كراوە.
حەسەن تەمیمی وەزیری تەندروستی عێراق راشیگەیاند: "ڤایرۆسە نوێیەكە بە خێرایی بڵاودەبێتەوە، بۆیە داوا لە هاووڵاتییان دەكەین رێكارە تەندروستییەكانی خۆپاراستن بگرنەبەر".
لە لایەكی دیكەشەوە سەیف بەدر وتەبێژی وەزارەتی تەندروستی رایگەیاند: "بۆ خۆپاراستن لە تەشەنەكردنی كۆرۆنا، سەرجەم چالاكییە وەرزشییەكان راگیران".
ژ.ت
