ئێشکگری و ناڕەزایەتی دژی دەستبەسەراگرتنی شارەوانی جولەمێرگ بەردەوامە.

ئامەد

چالاکییەکان لەبەردەم شارەوانی ئامەد و ١٣ شارەوانی ناوچەکان بەردەوامە.

هاوسەرۆکانی شارەوانی و ئەندامانی پارت و ڕێکخراوەکان بەشداربوون. جەماوەر ئامادەکارییان کرد بۆ بەشداری لە گردبوونەوەکەی سبەی لە جولەمێرگ و درووشمی "جولەمێرگ هی ئێمەیە"یان بەرزکردەوە.

هاوسەرۆکانی شارەوانی ڕێزان و هاوڵاتیان لەبەردەم شارەوانی کۆبوونەوە، ڕێکخستنی جەهەپەی ناوچەکە سەردانی چالاکییەکەیان کرد. ڕێکخستنی جەهەپە گوتی دژی سیستەمی قەیومی فاشیستی ئاکەپە تێکۆشانی هاوبەش دەکەن و پشتیوانی لە دەم پارتی دەکەن.

لە چالاکی دانیشتنەکە درووشمی "جولەمێرگ هی ئێمەیە، شارەوانی ئێمەیە" بەرزکرایەوە.

ئێلح

چالاکی و ئێشکگری لەبەردەم شارەوانی ئێلح ٩ ڕۆژە بەردەوامە. پەرلەمانتاران و مەجلیسی دایکانی ئاشتی و ئەندامانی پارت و ڕێکخراوەکانی ناوچەکە بەشداربوون.

لە چالاکییەکەدا درووشمی "فشار ئێمە ناوەستێنێت" و "قەیوم دەڕوات، گەل دێت" بەرزکرایەوە و گۆرانی گوترا.

ڕێکخستنی دەم پارتی ئەدەنە بەشداری چالاکییەکەیان کرد.

 سێرت

هاوسەرۆکانی شارەوانی سێرت و پەرلەمانتار و پارت و ڕێکخراوەکان و دایکانی ئاشتی و هاوڵاتیان بەشداری چالاکییەکە بوون لەپێش شارەوانی سێرت.

لە چالاکییەکەدا درووشمەکان بەرزکرانەوە، ئێشکگرییەکە بە چەپڵە و هەلهەلە و هەڵپەڕکێ بەردەوام بوو.

چالاکییەکان لە شارەوانی میسرج و حەوێلی سێرت بە چەپڵە و هەلهەلە و درووشم بەردەوام بوو.

ئەزمیر

ئێشکگرییەکەی بەردەم شارەوانی ئەزمیر بە بەشداری پارت و ڕێکخراوەکان ٧ ڕۆژە بەردەوامە.

لە چالاکییەکەدا چەند وتەیەک پێشکەشکرا و گوترا: "ژیانێکی هاوبەش بنیات دەنێین کە دیموکراسی و ئاشتی بهێنێتە وڵات".