نۆبەتی ئازادی کوردانی ئەروپا بۆ ئازادی ئۆجالان لە شاری ستراسبۆرگی فەڕەنسا لە بەردەم کۆنسەی ئەوروپا لە هەفتەی ٣٨٠ دا بەردەوامە. دیرڤان باکوور، حەمید نەرژی، دێرسن ئەرجان، خەلیل ئوزبەرک و چەکژین قامشلۆ کە لە سوێدەوە هاتوون، نۆبەتی ئەم هەفتەیەیان وەرگرت.

لە سەر ناوی گروپەکە چەکژین قامشلۆ ڕایگەیاند، چالاکیەکەیان ٨ ساڵە بەردەوامە و ئەوان دەست لە چالاکیەکانیان بۆ ئازادی عەبدوڵا ئۆجالان ڕێبەری گەلی کورد هەڵناگرن.

هەروەها ڕاشیگەیاند، بۆ ئەوەی گەلی کورد و گەلانی ڕۆژهەڵاتی ناوەڕاست لەناو ئاشتیدا بژین، ئۆجالان پڕۆژەیەکی پێشکێشکردووە، بەڵام جیهان کۆمەڵکوژی سەر کورد نابینێت. چەکژین قامشلۆ وتی، "پێویستە کۆنسەی ئەوروپا و سی پی تی لە بەرامبەر ئەشکەنجەی سەر ئۆجالان بێدەنگ نەبن.

چالاکوانان داوایان لە کوردان ئەوروپا کرد، تا ئۆجالان ئازاد نەبێت، دەست لە چالاکیەکان هەڵنەگرن.

هەفتەی ڕابردوو ژنانی تەنگەری ژنانی کوردستان لە ئەوروپا (تەژەکەئە – TJK-E) نۆبەتەکەیان وەرگرتبوو. ئەندامانی (تەژەکەئە – TJK-E) هەموو مانگێک، هەفتەیەک نۆبەتەکە وەردەگرن.

لە چالاکی نۆبەتی ئازادی بۆ ئۆجالان دا تا ئێستا زیاتر لە سەد هەزار کەس بەشداریان کردووە و لە ڕێگەی بڵاوکراوەکانیان، بە ملیۆنان کەس لەبارەی تێکۆشانی ئۆجالان و کەسایەتیەکەی ئاگادار کراونەتەوە.

ف.ق