چالاکیى ئێشکگری بۆ ئازادیى عەبدوڵا ئۆجالان رێبەری گەلی کورد لە ٢٥ی حوزەیرانى ٢٠١٢ / ٥ی پووشپەڕەوە تاوەکو ئێستا بەردەوامیى هەیە. ئێشکگرانى ئەم هەفتەیە لە ئەندامانى بزووتنەوەى ژنانی ئێزدی پیکهاتوون و لە رۆژی یەکشەممەوە لە ئێشکگریدان.

هەر یەک لە ژنانى ئێزدی زەرێ داڤال، سۆسن کارتاڵ و زەرۆ ئەل هەنە لە چالاکیى ئێشکگریى ئەم هەفتەیەدان و زەرێ داڤاڵ بە ناوی ئەو دەستە ژنە ئێشکگرەوە وتى، بەهۆی رێگریکردن لە دیدار لەگەڵ ئۆجالان نیگەرانن.

وتەبێژی ئەو دەستەیە لە ژنانى ئێزدی داواى لە دەوڵەتى تورک و ئەو دەوڵەتانە کە پشتیوانی لە دەوڵەتى تورک دەکەن کرد، دەست لە یارییە چەپەڵەکانیان لە دژی گەلی کورد هەڵگرن. ئەوەشی وت "کورد نیگەرانیى هەیە و دەبێت ئەوەش جدی ببینن". بۆیە بانگی لە ئەنجوومەنى ئەوروپا و کۆمیتەى دژ بە ئەشکەنجە (سی پی تی - CPT) کرد، کە بە بەرپرسیارێتیى خۆی هەستێت.

ر.م