ئێشکگرتنی "ئازادی بۆ ئۆجالان" لە ٢٥ى حوزەیرانى ٢٠١٢ / ٥ى پووشپەڕ لە بەردەم بیناى ئەنجوومەنى ئەوروپا لە شارى ستراسبۆرگی فەرەنسا دەستیپێکردووە و تاوەکو ئێستا بە بەردەوامی ماوەی ٣١٩ هەفتەیە ئەو چالاکییە بەڕێوەدەچێت.

هەر ٧ رۆژى هەفتە، لە بەیانیى زووەوە تاوەکو ئێوارە ئێشکگرتن بۆ ئازادیى ئۆجالان بەڕێوەدەچێت. چالاکوانەکانى ئەم هەفتەیە ١٠ کوردستانین لە ویلایەتەکانى زاکسن و زاکسن – ئانهالت لە رۆژهەڵاتى ئەڵمانیاوە هاتوون بۆ ئێشکگرتن. ئەوە چالاکوانانە رۆژى یەکشەممە دەستیان بە ئێشکگرتن کرد.

ئێشکگرانى ئەم هەفتەیە وڵاتپارێزانى باشوور و رۆژئاواى کوردستانیشیان لە ناودایە و لە شارەکانى لایپزیگ و دریسدن لە ویلایەتى زاکسن و شارەکانی ماگدیبورگ و هالە لە ویلاتى زاکسن – ئانهالتەوە هاتوون.

چالاکانى ئێشکگرى ئەم هەفتەیە بریتین لە: کەرەم گۆک، ئاسلی خان چەتین، مەدییە چەلیک کورت، سەڵاحەدین ئۆزچەلیک، نۆرشین ئۆزچەلیک، ڤەیسەڵ چەتین، نەوال چەتین، ئامارا ئایدن، قاسم عوسمان و کانیوار ئەلخالید.

"با ئەوروپا پێبەندنى پێوەرەکانى خۆى بێت"

چالاکوانانى ئێشکگرى ئەم هەفتەیە راگەیاندراوێکیان خوێندەوە و تیایدا هاتووە "ئێمە داوا لە رێکخراوەکانى ئەوروپا دەکەین بەپیى یاسا و پێوەرەکانى خۆیان بجوڵێنەوە و پێوەیانەوە پێبەند بن و بۆ بەرژەوەندیى خۆیان یاسا و پێوەرەکانى خۆیان پێشێل نەکەن. لێرە بیناى ئەنجوومەنى ئەوروپا و و کۆمێتەى پێشگرتن لە ئەشکەنجە (سی پی تی) هەیە و ئەوروپاش هەموو کات خۆى بە دیموکراسی پەسەن دەدات، بۆیە ئێمە داوایان لێدەکەین کە پێبەندی پرنسیب و پێوەرەکانى خۆیان بن. ئەوە مافێکى یاسایى ئێمەیە".

لە راگەیاندراوەکەدا ئەوەش هاتووە، لەم هەفتەیەدا باسی گرنگیى بۆچوونەکانى ئۆجالان بۆ ئازادیى گەلان دەکەین و داوایان لە کورد و دۆستەکانیان لە ئەوروپا کرد، کە بە دروشمی "ئازادى بۆ ئۆجالان" پشتیوانى لە چالاکییەکە بکەن.

ئێشکگرانى هەفتەى رابردوو، دەستەیەکى ٤ کەسی بوون، کە لە وڵاتى دانیمارکەوە هاتبوون و ئێشکگرتن بۆ ئازادیى ئۆجالانیان لە بەڕێوەبردبوو.

ر.م