ئێشکگریى 'ئازادی بۆ ئۆجالان' نزیکەی ٧ ساڵە لە بەردەم بینای ئەنجوومەنی ئەورووپا لە شاری ستراسبۆرگ-ی وڵاتی فەرەنسا بەڕێوەدەچێت. بۆ ئێشکگریى ئەم هەفتەیە ژنان لە شاری پاریسی پایتەختی فەرەنساوە هاتوون.

ئەندامانی بزووتنەوەی ژنان لە پاریس ئەیلەم فیرار و شەنای ئایهان و خەدیجە کوتوک ئێشکگرییەکەیان لە گرووپی سێ کەسیی پێشوو، کە لە شاری ئۆڵدەنبورگی ئەڵمانیاوە هاتبوون وەرگرت.

ئایهان بە ناوی چالاکوانانەوە وتەیەکى پێشکەشکرد و سەرنجی خستە سەر نیگەرانییەکان لەبارەی گۆشەگیریى سەر ڕێبەری گەڵی کورد عەبدوڵا ئۆجالان و وتی، سەردانی سی پی تی بۆ ئێمراڵیی جێی دڵخۆشییە، بەڵام ئێستاش گۆشەگیری کۆتایی پێنەهاتووە.

ئێشکگریی 'ئازادی بۆ ئۆجالان' لە ٢٥ ی حوزەیرانی ٢٠١٢ / ٥ی پووشپەڕ دەستیپێکردووە و تاوەکوو ئێستا نزیکەی ٢ هەزار کوردستانی و ئەورووپایی بەشدارییان لە چالاکیى ئێشکگری بۆ ئازادیى ئۆجالان دا کردووە.

ر.م