چالاکیی ئێشکگرتنی "ئازادی بۆ ئۆجالان"، کە بۆ ئازادیی رێبەری گەلی کورد عەبدوڵا ئۆجالان لە شاری ستراسبۆرگی فەڕەنسا بەڕێوەدەچێت، لە هەفتەی ٣٦٣هەمین دایە. هەفتانە دەستەیەک لە چالاکوانان و ئێشکگران لە ناوچەیەکی جیاوازی ئەوروپاوە بەشداری چالاکییەکە دەبن.

ئێشکگرانی هەفتەی رابردوو دەستەیەک بوون لە شاری 'ماینز'ی ئەلمانیاوە هاتبوون. ئەم هەفتەیەش ٢ دەستە چوون بۆ ئێشکگری و دەستەی یەکەم پێکهاتوون لە عەباس کاراتاش، عەلی ئومێد، عەلی دای، کە لە شاری فرانکفۆرتی ئەلمانیاوە چوون بۆ ئێشکگرییەکە و ئێشکگرییەکە بەردەوام دەکەن. هەروەها دەستەی دووەمیش لە ٤ کەس پێکهاتوون و ئەوانیش لە هەر لە شاری فرانکفۆرتەوە چوونەتە ئەوێ و بەشداری ئێشکگریی ئەم هەفتەیە دەبن.

چالاکوانانی ئەم هەفتەیە لێدوانێکیان دا و رایانگەیاند، هەتا ئۆجالان ئازاد نەبێت، تامەزرۆیمان بە هیچ وتە و لێدوانێک کۆتایى نایەت. چالاکوانان بە رێکخراوى جیهانیى دژ بە ئەشکەنجە (سی پی تی – CPT) و رێکخراوەکانی دیکەی پەیوەندیداریان وت، بۆ ئەوەی ئاشتی و دیموکراسی لە رۆژهەڵاتی ناوەڕاست بچەسپێت پێویستە ئۆجالان ئازاد ببێت.

ئێشکگریی "ئازادی بۆ ئۆجالان" لە ٢٥ی حوزەیرانی ٢٠١٢ / ٥ی پووشپەڕ دەستیپێکردووە. تا ئێستا زیاتر لە ٢ هەزار کەس بەشداریی ئەو چالاکییە درێژخایەنەی کوردانی ئەوروپا بوون.

ر.م