ئێشکگری دیموکراسی لەدژی کودەتالی قەیوم ئەوە ٤٤ ڕۆژە لە ئامەد لە کۆڵانی لیسە بەردەوامە. ئەمڕۆ سەلچوق میزراکلی هاوسەرۆکی شارەوانی، پەرلەمانتارانی هەدەپە، ئەندامانی ئەنجومەنی دایکانی ئاشتی، تەژا، ڕێکخستنی گەنجان و سەدان کەس ئامادە بوون. لە ئێشکگرییەکەدا گۆرانی وتران و درووشم بەرز کرانەوە.

'بە بەرخۆدان لەسەر پێیان وەستاوین'

هاوسەرۆکی شارەوانی ئامەدی هەدەپە هۆلیا ئالۆکمەن ئویانک قسەی کرد و وتی، لە پەرلەمان کە ئەمڕۆ دەکرێتەوە، دەبێت نەک لەسەر شەڕ، بەڵکو لەسەر ئاشتی قسە بکرێت. سەرۆکی کۆمەڵەی شێخ سەعید محەمەد قاسم فورات-یش وتی، ئەو کوردانەی سەدان ساڵە لەناودەبرێن بە بەرخۆادان لەسەرپێ ماونەتەوە وتی: "با کورد ببنە یەک، ئیدی بەسە. لە هەموو شوێنێک گوشار لەسەر کورد دەکرێت، لەدژی گوشارەکان ببینە یەک بەرخۆدان بکەین. ئەگەر ببینە یەک بە مسۆگەری سەردەکەوین".

سەرۆکی هۆبەی ٧٨ی ئامەد گان ئالکان-یش وتی، قەیوم کە ئیرادەی گەلیان دەستەبەسەر کردووە، گورزیان لە دیموکراسی داوە و وتی، بۆ ئەوەی قەیوم بڕۆن دەبێت تێکۆشان بکرێت.

'پێکەوە لەدژی دەوەستینەوە'

مەهدی زانا، سەرۆک شارەوانی پێشووی ئامەدیش وتی، ئەو بەرخۆدانەی کە ٤٤ ڕۆژە بەردەوامە و هێناویانەتە شوێنەکە و ڕایگەیاند 'دەستکەوتی کورد بۆ ئێمە بنەمایە. لەدژی هێرشەکانی سەر دەستکەوتەکانی کوردان پێکەوە ڕادەوەستین.'

دوای قسەکان چالاکی دانیشتن بۆ ماوەی ٥ خولەک دەستیپێکرد.

ک-ش