بۆ جاری ١٠هەم تویتەری ئاژانسى هەواڵى فورات داخرا
دەوڵەتى تورکیاى داگیرکەر جارێکیتر ئەکاونتى فەرمیى بەشی تورکیى ئاژانسى هەواڵى فورات (ANF)ی لە تویتەر داخست.
دەوڵەتى تورکیاى داگیرکەر جارێکیتر ئەکاونتى فەرمیى بەشی تورکیى ئاژانسى هەواڵى فورات (ANF)ی لە تویتەر داخست.
ئەکاونتى“@FratHaberAjansi” بەشی تورکیی ئاژانسى هەواڵی فورات (ANF) پێشتر لەلایەن دەوڵەتى تورکیاوە بلکۆک کرابوو و جارێکیتر لەلایەن ئاژانسەکەمانەوە کرایەوە، بەڵام دەوڵەتى تورکیا ئەمجارەش ئەکاونتى تویتەرەکەمانى داخست.
ئێستا خوێنەرانى بەشی تورکیى ئاژانسەکەمان دەتوانن بۆ بینیى هەواڵەکانى ئاژانسەکەمان سەردانى ئەکاونتی “@ANFyeni”لە تویتەر بکەن.
ئاژانسى هەواڵى فورات (ANF) لە زۆرێک لە ناوچەکانى جیهان لەگەڵ رۆژنامەنووسان، وێنەکێشان و پسپۆڕاندا کار دەکات. بەشەکانى سیاسی، ئابووری، رۆشنبیری و زانستی و هەواڵى هەیە و هەواڵەکانى بە ٨ زمان لەوانە زمانى کوردی (هەر دوو زاراوەى کرمانجی و سۆرانی)، تورکی، ئینگلیزی، سپانیۆلی، ئەڵمانی، عەرەبی، فارسی و رووسی بڵاو دەکاتەوە.
ر.م