دوای ئەوەی ڕەجەب تەیب ئەردۆغان سەرۆک کۆماری تورک لە ڕێگەی تەلەفۆنەوە لەگەڵ دۆناڵد ترەمپ سەرۆکی ئەمریکا قسەیکرد، ئەمریکا هێزەکانی لە سەر سنوری فیدراسیۆنی باکوور و ڕۆژهەڵاتی سوریا کشاندەوە و کۆشکی سپیش بەیاننامەیەکی بڵاوکردەوە.

لە بەیاننامەی کۆشکی سپیدا هاتووە، "تورکیا لەماوەیەکی نزیکدا هێرش دەکاتە سەر باکووری سوریا."

هەروەها دەڵێت، "هێزەکانی ئەمریکا پشتگیری ئۆپەراسیۆنەکە ناکەن و بەشداریش لە ئۆپەراسیۆنەکە نابن و هێزەکانی ئەمریکا کە خەلافەتی دەوڵەتی ئیسلامیان تێکشکاند، لە نزیک ڕووداوەکان نابن".

کۆشکی سپی لەبارەی چەتەکانی داعش کە لە دەستی قەسەدە دان وتی، "حکومەتی ئەمریکا چەندین جار بە فەڕەنسا، ئەڵمانیا و وڵاتانی دیکە ڕاگەیاند، چەتە داعشیەکانیان کە لە لایەن هەسەدەوە دەستگیرکران، بگەڕێننەوە وڵاتەکانیان، بەڵام داواکاریەکان ڕەتکرانەوە و لە ئێستادا تورکیا بەرامبەر ئەو داعشیانە بەرپرسیارە کە دوو سالن دەستگیرکراون."

ف.ق