بڕیاربوو دوێنێ ئەنجومەنی پارێزگای کەرکووک دەربارەی هەڵوەشاندنەوەی وەرگرتنی پارە لە هاوڵاتیان بەرامبەر کۆکردنەوەی خۆڵ و خاشاک کۆببێتەوە، بەڵام نەتوانرا کۆبوونەوەکە بەڕێوەبچێت.

بەڕێوەنەچوونی کۆبوونەوەکە بەهۆی تەواونەبوونی ڕێژی یاسایی ئەندامانی ئەنجومەن بوو ، ۱۷ ئەندام بەشداربوون، بە پێی یاسایی ئەنجومەنیش دەبێت ۲۱ ئەندام بەشدار بێت.

لە کۆنگرەیەکی ڕۆژنامەنووسیدا ئەحمەد عەسکەری ئەندامی ئەنجوومەن لە لیستی برایەتی کەرکوک وتی:"بڕیار بوو ئەنجومەنی پارێزگای کەرکوک دەربارەی وەرگرتنی پارە لە هاوڵاتیان کۆببێتەوە، لە بەرامبەر کۆکردنەوەی خۆڵ و خاشاک، کە لە ساڵی ۲۰۱٤ ئەو بڕیارە درابوو هەر ماڵێک پێویستە بڕی هەزار دینار بدا بۆ هەر مانگێک بەرامبەر بە کۆکردنەوەی خۆڵ و خاشاک کە لەگەڵ پارەی مۆلیدەی ئەهلی لە هاوڵاتیان وەردەگیرا."

هەروەها ووتیشی: " بەهۆی نەبوونی چاودێری ئەنجوومەن لەسەر دامودەزگاکانی پاریزگاکە کە یەکێک لەو دامودەزگایانە شارەوانیە کە ئیستا نیگەرانی هاووڵاتیانی لێکەوتووتەوە."

هەروەها ئەحمەد عەسکەری وتیشی:"پێشتر ۲٥ ئەندامی ئەنجوومەن واژوویان کۆکردبووە بۆ ئەو بابەتە، بەڵام بەداخەوە ئەمڕۆ ۱۷ ئەندام بەشدار بوو لە کۆبوونەوەکەدا.

لەدوای ڕووداوەکانی ١٦ ئۆکتۆبەرەوە و چۆڵکردنی شاری کەرکووک لەلایەن پێشمەرگەوە ، دۆخی شارەکە هێشتا ئاسایی نەبووەتەوە و ڕۆژانە دەبینین کە تاقم و گەروپەکانی سەربە دەوڵەتی تورک لە ناوشاری کەرکووکدا خەریکی گێرەشێوێنی و دووبەرەکی نانەوەن و هێزە کوردییەکانی کەرکووکیش تا ئیستا نەیانتوانیوە کۆدەنگییەک بەدەست بهێنن.

ک-ش