پیرۆزباییەکە بە بەشداریى زیاتر لە هەزار کەس بەڕێوەچوو. لە دواى خولەکێک رێزگرتن لە یادی شەهیدان، سیاسەتمەداری کورد کەمال ئاکتاش وتەیەکى پێشکەشکرد و رایگەیاند "بۆ ئەوەى مرۆڤ لە پەکەکە تێبگات، دەبێت مرۆڤ بە باشی لە فەلسەفەی رێبەر ئاپۆ تێبگات. ئەوەى گەلی کوردی گەیاندە ئەم ئاستە، ئیرادەى بەهێز و فەلسەفەى ئۆجالان بوو".

ئاکتاش راشیگەیاند "ئێمە لە هەر کوێیەک بین، دەبیت تێکۆشانی خۆمان بۆ ئازادی درێژە پێبدەین. بۆیە پێویستە هەموو کات باشتر و زیاتر کۆببینەوە و خۆبەرێکخستنکردن و یەکێتیى خۆمان بەهێزتر بکەین".

ئاکتاش لە وتەکانیدا سەرنجی خستە سەر مانگرتنەکەى لەیلا گیوڤەن و داوایکرد هەموان پشتیوانى لە لەیلا گیوڤەن و چالاکییەکەى بکەن.

دواى ئەوە پەیامی جەمیل بایک هاوسەرۆکى دەستەى بەڕێوەبەریی کەجەکە بە سینەفزیۆن بۆ ئامادەبوان پەخشکرا.

لە کۆتایدا چەتین ئۆرانەر، تیپی مۆسیقا و هونەریى هیڤرۆن، بنەڤش رۆژ، بانگین ئاگری، تونجەر – ئۆزگیور چوونە سەر تەختەى یادەکردنەکەوە و چەندین گۆرانى سرودیان پێشکەشکرد و تیپەکانی گۆڤەندی سیمارا و گۆڤەندی سیپان ئاماراش هونەری خۆیان پێشکەش کرد و پیرۆزباییەکە بە هەڵپەڕکێ و گۆڤەند کۆتایى پێهات.

ر.م