خانه‌واده‌ی زیندانییان داوای سه‌ردانی ئیمڕاڵی ده‌كه‌ن
خانه‌واده‌ی ڕێبه‌ری گه‌لی كورد عه‌بدوڵا ئۆجالان و ٣ زیندانیی دیكه‌ی ئیمڕاڵی به‌مه‌به‌ستی سه‌ردانی ئیمڕاڵی جارێكی دیكه داواكارییان پێشكه‌شی سه‌رۆكایه‌تیی داواكاری گشتیی بوورسا كرد.
محه‌مه‌د ئۆجالان برای عه‌بدوڵا ئۆجالان و مه‌زڵووم دینچی وه‌سیی ئۆجالان به‌مه‌به‌ستی سه‌ردانی ئیمڕاڵی و چاوپێكه‌وتن له‌گه‌ڵیدا، جارێكی دیكه داواكارییان پێشكه‌شی داواكاری گشتیی شاری بوورسا كرد.
هاوكات خانه‌واده‌ی زیندانییانی دیكه‌ی ئیمڕاڵی هامیلی یڵدرم، عومه‌ر خه‌یری كۆنار و فه‌یسه‌ل ئاكتاش له ڕێی پارێزه‌رانه‌وه هه‌مان داواكارییان پێشكه‌شی داواكاری گشتیی بوورسا كرد.
دوایین جار له ١٢ی كانوونی دووه‌می ٢٠١٩ محه‌مه‌د ئۆجالان سه‌ردانی ئیمڕاڵی كردبوو و چاوی به ئۆجالان كه‌وتبوو.
s.m
