داواكارییه‌كی دیكه‌ی پارێزه‌ران بۆ دیدار له‌گه‌ڵ ئۆجالان ڕه‌تكرایه‌وه‌

جارێكی دیكه‌ داواكاریی پارێزه‌رانی ئۆجالان بۆ سه‌ردانی ئیمڕاڵی و چاوپێكه‌وتن له‌گه‌ڵ ئۆجالان، له‌ لایه‌ن داواكاری گشتیی شاری بوورسا ڕه‌تكرایه‌وه‌.

پارێزه‌رانی ڕێبه‌ری گه‌لی كورد عه‌بدوڵا ئۆجالان؛ ڕێزان ساریجه‌، فائیك ئۆزگور ئه‌رۆل، نه‌ورۆز ئویسال و ئیبراهیم بیلمه‌ز به‌مه‌به‌ستی چاوپێكه‌وتن له‌گه‌ڵ ئۆجالان دوێنێ داواكارییه‌كی دیكه‌یان پێشكه‌شی سه‌رۆكایه‌تیی داواكاری گشتیی بوورسا كرد، به‌ڵام ئه‌مڕۆ جارێكی دیكه‌ داواكارییه‌كه‌یان ڕه‌تكرایه‌وه‌.

پارێزه‌ران له‌ ٢٧ی ته‌مووزی ٢٠١١-ه‌وه‌ به‌ بیانووی جیاجیا ڕێگه‌یان پێنادرێت چاویان به‌ عه‌بدوڵا ئۆجالان بكه‌وێت و له‌و كاته‌وه‌ ٧٨٧ داواكارییان ڕه‌تكراوه‌ته‌وه‌. 

s.m