ده‌سته‌ی باڵای هه‌ڵبژاردن سكاڵاكانی هه‌ده‌په‌ی ده‌رباره‌ی شرناخ ڕه‌تكرده‌وه‌

هه‌ده‌په‌ ده‌رباره‌ی هه‌ڵبژاردنی شاره‌وانییه‌كانی ناوه‌ندی شاری شرناخ و ناوچه‌كانی قلابان و ئه‌لكێ له‌ ده‌سته‌ی باڵای هه‌ڵبژاردن سكاڵای تۆمار كردبوون به‌ڵام هه‌موو سكاڵاكانی ڕه‌تكرانه‌وه‌.

ڕێكخستنی پارتیی دیموكراتیی گه‌لان (هه‌ده‌په‌) به‌هۆی ئه‌وه‌ی له‌ هه‌ڵبژاردنی ٣١ی ئاداری شاره‌وانییه‌كان هه‌زاران سه‌رباز و پۆلیس ناویان تۆمار كرابوو و به‌شداریان له‌ ده‌نگداندا كردبوو، به‌مه‌به‌ستی هه‌ڵوه‌شاندنه‌وه‌ی هه‌ڵبژاردن له‌ ده‌سته‌ی باڵای هه‌ڵبژاردن سكاڵای تۆمار كردبوو.

 هه‌ده‌په‌ داوای كردبوو هه‌ڵبژاردن له‌ ناوچه‌كانی قه‌سرك، باسا، فندك، قلابان، سێگركێ، هیلال، سرتكۆی، ئه‌لكێ و گۆروملویا-ی سلۆپی هه‌ڵبوه‌شێنرێته‌وه‌ به‌ڵام ده‌سته‌ی باڵای هه‌ڵبژاردن داواكارییه‌كه‌ی ڕه‌تكرده‌وه‌.

هاوسه‌رۆكی هه‌ده‌په‌ له‌ شرناخ زه‌كی ئیرمه‌ز ڕایگه‌یاند، له‌به‌رئه‌وه‌ی ژماره‌یه‌كی زۆری پۆلیس و سه‌رباز ناویان بۆ هه‌ڵبژاردن تۆماركرابوو و ده‌نگیان دا، ئه‌نجامی هه‌ڵبژاردن گۆڕدرا. گوتیشی، به‌رده‌وام ده‌بن له‌ ڕێكاره‌ قانوونییه‌كان دژبه‌ پێشێلكارییه‌كان.

s.m