ده‌سته‌ی هه‌ڵبژاردنه‌كانی توركیا ڕازی بوو ده‌میرتاش به‌شداری بكات له‌ میتینگه‌كان

به‌مه‌به‌ستی به‌شداریكردنی سه‌ڵاحه‌دین ده‌میرتاش له‌ چه‌ند میتینگێكی بانگه‌شه‌ی هه‌ڵبژاردن، داواكارییه‌ك پێشكه‌شی ده‌سته‌ی هه‌ڵبژاردنه‌كانی توركیا كرا. سه‌ره‌نجام داواكارییه‌كه‌ په‌سه‌ند كرا.

پارتی دیموكراتی گه‌لان - هه‌ده‌په‌ داواكارییه‌كی پێشكه‌شی ده‌سته‌ی هه‌ڵبژاردنه‌كانی توركیا كرد بۆ ئه‌وه‌ی سه‌ڵاحه‌دین ده‌میرتاش كاندیدی هه‌ده‌په‌ بۆ هه‌ڵبژاردنی سه‌رۆك كۆماری به‌شداری بكات له‌ میتینگه‌كانی بانگه‌شه‌ی هه‌ڵبژاردن له‌ شاره‌كانی ئیسته‌نبووڵ، دیلۆك، ئیزمیر و مێردین. ئه‌مڕۆ داواكارییه‌كه‌ له‌ لایه‌ن ده‌سته‌ی هه‌ڵبژاردنه‌كانه‌وه‌ په‌سه‌ند كرا.

به‌و مه‌به‌سته‌ی ده‌میرتاش بتوانێت به‌شداری له‌و میتینگانه‌ بكات و بڕیاره‌كه‌ جێبه‌جێ بكرێت، هه‌ده‌په‌ داواكارییه‌كی دیكه‌ی ئاراسته‌ی ده‌سته‌ی باڵای هه‌ڵبژاردنه‌كان و وه‌زاره‌تی داد كرد.

له‌ داواكارینامه‌كه‌دا هاتووه‌: «بۆ ئه‌وه‌ی سه‌ڵاحه‌دین ده‌میرتاش بتوانێت به‌شداری بكات له‌ میتینگه‌كانی ئیسته‌نبووڵ، دیلۆك، ئیزمیر و مێردین داواكاری پێشكه‌ش كراوه‌. ئه‌گه‌ر بڕیاری ئێوه‌ پێچه‌وانه‌ بێت، ئێمه‌ داوا ده‌كه‌ین له‌ ڕێگه‌ی سیسته‌می SEGBIS (په‌یوه‌ندیی ڕاسته‌وخۆ به‌ دیمه‌ن له‌ ڕێی ئینته‌رنێته‌وه‌) به‌شداری بكات له‌ میتینگه‌كان و نووسراو بۆ شوێنی پێویست بنێردرێت.»

s.m