لە نامەى کراوەى دەیان سیناتۆر و پەرلەمانتاری فەرەنسی لە حیزبە راستڕەوەکان، چەپڕەوەکان و ژینگەپارێزان دا، باس لە شەڕی ژنانى کورد لە رۆژئاواى کوردستان و بەرخودانى چالاکیى مانگرتن بە پێشەنگایەتیى لەیلا گیوڤەن لە دژی گۆشەگیریى سەر عەبدوڵا ئۆجالان رێبەری گەلی کورد کراوە.
"سەرباری تێکۆشانى پێداگرانە، کۆمەڵگەى نێونەتەوەیى رێگاى بە داگیرکردنى رۆژئاوا دا"
لە نامەکەدا هاتووە "قبوڵ ناکرێت وڵاتانى رۆژئاوا پشت لە کوردانى سوریا بکەن" و رەخنە لەوەش گیراوە، کە سەرباری تێکۆشانی پێداگرانەى ژنانى کورد لە دژی داعش کۆمەڵگەى نێونەتەوەیى رێگاى بە ئەردۆغان دا عەفرین داگیر بکات.
لە نامەکەدا ئەوەش هاتووە، سەرباری باردۆخی قورسی شەڕ لە رۆژئاوا، بەڵام ژنانى کورد، عەرەب و گەلانى تر پێکەوە دەژین. سیستمى دیموکراتیک و ئیکۆلۆژیک لەسەر بنەماکانی مافەکانی ژنانیان دامەزراندووە و ئەوەش خراوەتەڕوو "ژنان بۆ ئەوەی ئاشتی لەسەر بنەماى دیالۆگی بەردەوامی گەلان بەدی بهێنن لە تێکۆشاندان".
لە نامەکەدا ئاماژە بەوەکراوە، لە دواى ئەوەى رەقا لە داعش رزگارکرا لەلایەن هاوسەرۆک شارەوانییەکى ژنەوە ئەو شارە بەڕێوەدەبرێت و ئەوەش خراوەتەڕوو "تێکۆشانەکەیان کە بۆ ئازادیى ژن نمونەییە و عەقڵییەتى دەوڵەتێک کە خزمەت بە میللیگەرایى و دینگەرایى رادیکاڵ بکات، رەتدەکەنەوە و بناغەکانیشی دەهەژێنێت".
"هێرشەکانى تورکیا شۆڕشی ژنان دەکاتە ئامانج"
لە نامەکەدا باسی ئەوەشکراوە، هێرشەکانى تورکیا بۆ سەر کوردانى رۆژئاوا و باکووری سوریا شۆڕشی ژنان دەکاتە ئامانج، کە نایانەوێت سەر بەرامبەر سیستمى زوڵمی باڵادەستدا دابنەوێنن.
هەروەها باسی ئەوەشکراوە، ژنان بەرەنگاری توندوتیژییەکانى دەوڵەت دەبنەوە و لەبەر ئەوەى ئازا و بوێرن و یەکسانییان بۆ هەموان دەوێت، تورکیا ئەوانە دەکاتە پاسا بۆ ئەوەى هێرش بکاتە سەریان.
لە بەردەوامیى نامەکەد هاتووە "سەرۆک کۆماری تورک چاوی بەو ئازادییە هەڵنایەت و لەوە دەترسێت ئەو ئازادی و رامانە رۆژهەڵاتى ناوەڕاست بگرێتەوە، بۆیە هێرشى دەکاتە سەر و رێگریى لێدەکات".
سیناتۆر و پەرلەمانتارانى فەرەنسا باسی ئەوەشیانکردووە، دەوڵەتى تورک بۆ ئەوەى لە زیندانەکاندا هەزاران زیندانیى ژن و پیاو لە ناو ببات، هەموو تواناکانى خۆی خستووەتەکار و لە زیندانەکاندا هەموو جۆرە هەڕەشە و ئەشکەنجە و سوکایەتیکردنێک لە دژی زیندانیان بەڕێوەدەبات.
"بۆ دیموکراسی و ئازادى لە چالاکیى مانگرتندان"
لە بەشێکى تری نامەى ئەو سیناتۆر و پەرلەمانتارە فەرەنسییانەدا ئاماژە بەوەکاروە، لە زیندانەکاندا سەدان زیندانى بۆ ئەوەى گۆشەگیریى سەر عەبدوڵا ئۆجالان رێبەری گەلی کورد تێکبشکێنن لە چالاکیى مانگرتندان و ئەوەشیان نووسیوە "لەیلا گیوڤەن، کە بە مەرج ئازاد کراوە، بۆ دیموکراسی، مافەکانى مرۆڤ و دادپەروەریى یەکسان بۆ ئەوەى دیواری بێدەنگی هەڵوەشێنێتەوە، چالاکیى مانگرتنى دەستپیکردووە و (ماوەی ١٠١ رۆژە) بەردەوامە لە مانگرتنەکەى. ٢٥٩ زیندانیى سیاسیى ژن و پیاویش بۆ تێکشکاندنى گۆشەگیریى میزاجی لەسەر خۆیان و رێبەرەکەیان، بەڕێز عەبدوڵا ئۆجالان، لە مانگرتندان".
هێرشی تورکیا و پشتیوانیى ژنانى کورد، کە لە دژی داعش شەڕ دەکەن
لە نامەی ئەو سیناتۆر و پەرلەمانتارە فەرەنسییانەدا، کە هەر یەکێکیان هەڵگری ناسنامەیەکى سیاسیى جیاوازترە لەوی تریان داوا کراوە، پشتیوانى لە ژنانى کورد بکرێت و راشیانگەیاندووە "پێویستە ژنانى کورد و تێکۆشانى پرۆژەى کۆمەڵگەى ئازاد، لە بەرامبەر هێرشەکانى تورکیا و داعش دا بپارێزرێن و پشتیوانییان لێ بکرێت".
لە نامەکەدا داواشکراوە، ئەردۆغان سەرۆک کۆماری تورک هەموو زیندانیانى سیاسی ژن و پیاو ئازاد بکات و داواشیان لە فەرەنسا کردووە، کە بۆ کوردان بکەوێتە جموجوڵ.
نامەکە بەم بانگەوازە کۆتایى پێهاتووە "ئێمە داوا لە فەرەنسا دەکەین، لە پێناو چەسپاندنى ئاشتى لە هەرێمەکەدا و لە پرۆسەی چارەسەریى سیاسی دا، بۆ ئەوەى کوردانى سوریا بخرێنە ژێر چەتری پارێزگاریى نێونەتەوەییەوە و سوود لە مافی چارەی خۆنووسی وەربگرن، بە خێرایى و لە ئاستى ئەنجوومەنى ئاسایشى نەتەوە یەکگرتووەکان دا دەست بە هەوڵەکانى بۆ دابینکردنى پارێزگاری و مافەکانیان بکات".
ناوی ئەو سیناتۆر و پەرلەمانتارانە و بازنەى هەڵبژاردن و حیزبەکەیان کە نامەکەیان واژۆ کردووە:
Laurence Cohen, Partiya Komunîst a Fransiz (PCF)- Val-de-Marne
Cathy Apourceau-Poly, PCF-Pas-de-Calaîs
Elîane Assassî, PCF- Seîne-Saînt-Denîs
Esther Benbassa, Avrupa Ekolojî Yeşîller Partîsî (EELV)-Parîs
Annîck Bîllon, Yekîtiya Navendî, lîberaller (UC)-Vendée
Maryvonne Blondîn, Partiya Sosyalîst (PS)-Fînîstère
Célîne Boulay-Espéronnîer, Komarparêz(LR)-Parîs
Marîe-Thérèse Bruguîère, LR-Hérault
Célîne Brulîn, PCF-Seîne-Marîtîme
Cécîle Cukîerman, PCF-Loîre
Laure Darcos, LR-Essonne
Nathalîe Delattre, Çepgirên Radîkal û Sosyalîst (RDSE)-Gîronde
Sonîa De la Provôté, UC Grubu-Calvados
Catherîne Deroche, LR -Maîne et Loîre
Elîsabeth Doîneau, UC-Mayenne
Nîcole Duranton, LR-Eure
Frédérîque Espagnac, PS-Pyrénées-Atlantîques
Corînne Féret, PS-Calvados
Martîne Fîlleul, PS-Nord
Mîchelle Gréaume, PCF-Nord
Jocelyne Guîdez, UC-Essonne
Corînne îmbert, LR-Seîne-Marîtîme
Vîctoîre Jasmîn, PS-Guadeloupe
Mîreîlle Jouve, RDSE-Bouches-du-Rhône
Françoîse Laborde, RDSE-Haute-Garonne
Marîe-Noelle Lîenemann, Çepgirên Komarparêz û Grûba Sosyalîst -Parîs
Monîque Lubîn, PS-Landes
Mîchelle Meunîer, PS-Loîre-Atlantîque
Marîe-Pîerre Monîer, PS-Drôme
Chrîstîne Prunaud, PCF-Côtes d’Armor
Sylvîe Robert, PS-îlle-et-Vîlaîne
Laurence Rossîgnol, PS-Oîse
Sophîe Taîllé Polîan, PS-Val-de-Marne
Sabîne Van Heghe, PS-Pas-de-Calaîs
Mîchèle Vullîen, UC- Rhône
پەرلەمانتارانى ئەنجوومەنى نیشتمانیى فەرەنسا
Carolîne Fîat, Fransaya Sernetewîn (Fî)-Meurthe et Moselle
Clémentîne Autaîn, Fî-Seîne-Saînt-Denîs
Elsa Faucîllon, PCF-Hauts-de-Seîne
Marîe-George Buffet, PCF-Seîne-Saînt-Denîs
Mathîlde Panot, Fî-Val-de-Marne
Sabîne Rubîn, Fî-Seîne-Saînt-Denîs
ر.م