چالاکییەکە لەلایەن ئەنجوومەنى ژنانى نودا لە گۆڕەپانى ئایتە زناگۆگە رێکخرا. ئەندامانى ناوەندى کۆمەڵگەى دیموکراتیکى کورد لە فرایبورگ و دەروازەى رۆشنبیریى عەلەوییەکان لە فرایبورگ بەشدارى چالاکییەکە بوون.

لە چالاکییەکەدا دروشمەکانى "ژن ژیان ئازادی" و "زیندانییە سیاسییەکانى کەرامەتى ئێمەن" وترانەوە و بە ناوى جەماوەری ناڕازاییەوە راگەیاندراوێک خوێندرایەوە.

لە راگەیاندراوەکەدا هاتووە، رادەستکردنى تاشدەمیر بە وڵاتێکى وەک تورکیا، کە مافەکانى تیایدا پێشێل دەکرێت، لە دژى رێککەوتننامە نێودەوڵەتییەکانە.

لە راگەیاندراوەکەشدا هاتووە "لە تورکیا ئەشکەنجە و پێشێلکردنى مافەکان رۆژ بە رۆژ روو لە زیادبوون دەکات. رادەستکردنی سیاسەتمەدارێکى نەخۆش بە وڵاتێکى لەو جۆرە، نە کارێکى ویژدانییە نە کارێکیشە، کە لەگەڵ ماف و یاسا و رێککەوتننامە نێودەوڵەتییەکان بێتەوە".

ئاماژە بەوەشکراوە "لە زیندانەکانى تورکیادا ئاسایشی ژیانى هەزاران زیندانى سیاسیى لە مەترسیدایە. بۆیە ئەگەر تاشدەمیر شتێکى بەسەر بێت، نەرویج و وڵاتە ئەوروپییەکان بەرپرسیارن. دەوڵەتە ئەوروپییەکان لەبەر هەڵوێستەکانیان بوونەتە هاوبەشی ئەشکەنجەکانى دەوڵەتى تورکیا. بە ناوى هێزە دیموکراسییەکان و راى گشتییەوە، ئێمە و رادەستکردنەوەیە ئیدانە دەکەین و چاودێرى ئەو بارودۆخەش دەکەین".

ر.م