هەدەپە تورگوت ئۆکەر سەرۆکى رێکخراوی (AABK)ی لە بازنەى سێى ئیسەنبولدا کردووبووە سەرۆکى لیستى ئەو بازنەیە، بەڵا کۆمسیۆنى هەڵبژاردنى تورکیا پاڵێورابوونەکەى ئۆکەری رەتکردەوە.

 هەدەپە بۆ هەڵبژاردنى ٢٤ى حوزەیران / ٣ى پووشپەڕ تورگوت ئۆکەر سەرۆکى کۆنفیدراسیۆنى یەکێتیى عەلەوییەکانى ئەوروپا (AABK)ی لە بازنەى سێى ئیستەنبولدا کردبوو بە سەرۆکى لیستەکەى بۆ ئەو بازنەیە، بەڵام کۆمسیۆنى هەڵبژاردنى تورکیا بە پاساوى ئەوەى ٢ ساڵ لەوە پێش ئۆکەر لە مەرەش وتبوی "ئەردۆغان یەزیدى ئەمڕۆیە"، پاڵێوراوبوونەکەى رەتکردەوە.

لەو بارەیەوە کۆنفیدراسیۆنى یەکێتیى عەلەوییەکانى ئەوروپا (AABK) راگەیاندراوێکیان بڵاوکردەوە و رایانگەیاند "ئەو هەڵوێستە لە دژی تورگوت ئۆکەر ئیدانە دەکەن و تێکۆشانە مافدارانەکانمان ئەمڕۆ دەستى پێنەکردووە و ئەمڕۆش کۆتایى پێنایەت".

لە راگەیاندراوەکەى (AABK)دا هاتووە:

بڕیارەکەى کۆمسیۆنى هەڵبژاردنى تورکیا بە مانای قبوڵنەکردنى عەلەوییەکانە. ئەو بڕیارە بە عەقڵییەتى یەزید لە دژى عەلەوییەکان و جەمخانەى عەلەوییەکان دراوە. هەڵوێست لە دژى داکۆکیکاری مافى بزووتنەوەى عەلەوییەکان، بەرێز تورگوت ئۆکەر، بە دەرەنجامى عەقڵییەت و کوشتارەکانى معاوییە تاوەکو یاوز پاشای دز و تاوەکو تەیب ئەردۆغان، کە مافى گەلانیان زەتکردبوو، بە دژایەتیکردنی  عەلەوییەکانى دەزانین و سەرسامی نەکردین!

بەڵام ئەوەى ئەوان لە بیری دەکەن، ئەوەیە، کە ئەم تێکۆشانە شکۆمەندایە ملیۆنەها پیر سوڵتان و سەید رەزاى هەیە و بەرەنگاری یەزید و هاوشێوەکانى دەبنەوە.

ئەو هەڵوێستە لە دژى تورگوت ئۆکەر قبوڵ ناکەین و ئیدانەى دەکەین. تێکۆشانی مافدارانە و رەوامان ئەمڕۆ دەستى پێنەکردووە و ئەمڕۆش کۆتایى پێنایەت.

ر.م