زیانلێکەوتوانى بومەلەرزەکەى رۆژهەڵاتى کوردستان داواى هاوکاری دەکەن

زیانلێکەوتوانى بومەلەرزەکەى ناوچەى خۆی و گوندەکانى دەورووبەری داواى هاوکاریى خێرا دەکەن. گودنشنیانی ئەو ناوچەیە رایانگەیاند، هاوکارییەکانى رژێمى ئێران کەمن و بەشی پێویستیى زیانلێکەوتوەکان ناکات.

لە رۆژی یەکشەمە ٢٣ی شوات و لە کاتژمێر ٠٨:٥٣ بەیانی و لە ١٩:٠٠ی شەو دوو بۆمەلەرزە بە گوڕێ ٥.٩ پلە بە پێوەری رێختەر لە ناوچەى خۆی و گوندەکانى دەورووبەری روویاندا و بەو هۆیەوە سەدان ماڵی هاووڵاتییان رووخان و زیاتر لە ١٠٤ کەسیش بریندار بوون.

هاووڵاتییانى گوندەکانی کۆرتاناڤا رایانگەیاند، ئەو هاوکارییانەى بۆ زیانلێکەوتوانى بومەلەرزەکە هاتووە زۆر کەمن و داوای هاوکاریی خێرایان کرد.

لە دوێنێوە بەهۆی دەستپێکردنى شەپۆلێکى بەفر و باران و سەرمایەکى زۆرەوە زیانلێکەوتوانى بومەلەرزەکە لە ناوچەیە ژیانیان رووبەرووی مەترسیی زیاتر بووەتەوە، چونکە زیانلێکەوتوانى بومەلەرزەکە لە دەرەوەى ماڵەکانیان دەمێننەوە.

هەروەها دوێنێ ئێوارە لە بەردەوامیى بومەلەرزە بەدواداهاتووەکاندا جارێکیتر بومەلەرزە لەو ناوچەیەی دایەوە.

ژ.ت

ناوچەی 'خۆی' دەهەژێت، زیانەکان گەورەن و هاوکارییەکان کەم!