ساڵیادی دامەزراندنی پەکەکە لە ئەرمەنستان پیرۆزکرا
لە ئەریڤانی پایتەختی ئەرمەنستان ٤١مین ساڵیادی دامەزراندنی پەکەکە پیرۆزکرا.
لە ئەریڤانی پایتەختی ئەرمەنستان ٤١مین ساڵیادی دامەزراندنی پەکەکە پیرۆزکرا.
پیرۆزبایی لە هۆڵی ماڵی گەلانی ئەریڤان ئەنجامدرا و کورد و دۆستەکانیان لە هەرێمە جیاوازەکانی ئەرمەنستان بەشداریان کرد.
دوای دەقەیەک ڕێزگرتن لە گیانی پاکی شەهیدان سیاسەتمەدار موحسین حەسەن قسەی کرد و ڕایگەیاند، پەکەکە نە تەنها بۆ ئازادی گەلی کورد تێدەکۆشێت، لەهەمانکاتدا بۆ ئازادی گەلان ژیردەستە و مرۆڤایەتی خەبات دەکات. پەکەکە سەرچاوەی ئۆمیدە بۆ گەلان.
هاوسەرۆکی یەکێتی کوردانی ئەرمەنستان و پەرلەمانتاری ئەرمەنستان کنیاس حەسەنوف، هاوسەرۆکی کۆمیتەی کوردستان سلۆ دیبۆیان، هاوسەرۆکی کۆمیتەی کوردستان و ئەندامی یەکێتی ژیانی ئازادی ئەرمەنستان ئیلا تۆڤماسیان و سەرۆکی ڕێکخستنی کۆمەڵگای مەدەنی ئەرمینیا ئەمەنیتان ڤانیا هاکۆبیان قسەیان کرد.
قسەکەران جەژنی ژیانەوەیان لە عەبدوڵا ئۆجالان ڕیبەری گەلی کورد پیرۆز کرد و ڕایانگەیاند، پەکەکە بۆ گەلانی ژێردەستە پێشەنگی ئازادیە. کورد لە تێکۆشانی ٤١ی ساڵ دا بۆ گەلانی ڕۆژهەڵاتی ناوەڕاست و مرۆڤایەتی دەرفەتی زۆریان دروست کرد.
دوای لێدوانەکان نووسەر مرازێ جەمیل شیعرێکی کە بۆ پەکەکە نووسیبووی خوێندەوە. دواتر هونەرمەندان ڕۆزەرین، فێریک هامێیان، ئەشۆ نادۆیان گۆرانیان وت و بەشداربووانیش هەڵپەڕکییان کرد.
ف.ق