سوپای توركیای داگیركه‌ر له ناوچه‌ی پاسووری ئامه‌د ئاگری له دارستان به‌ردا. ئه‌و ئاگركه‌وتنه‌وه‌یه‌ی به‌هۆی گوله‌بارانی سوپای توركیا ده‌ستی پێكردبوو، ده‌یان هه‌زار هێكتار دارستانی سووتاندووه و سه‌ربازانیش ڕێگه ناده‌ن ئاگره‌كه بكوژێنرێته‌وه.
سوپای توركیای داگیركه‌ر كه ده‌یه‌وێت سرووشتی كوردستان له‌ناوببات، له ناوچه‌ی پاسووری ئامه‌د ماوه‌ی دوو ڕۆژه ئاگری له دارستان به‌رداوه و ناهێڵێت هاوڵاتیانیش بیكوژێننه‌وه.
سه‌ربازانی پاراستنی به‌نداوی فارقین له ناوچه‌ی پاسووری ئامه‌د گوله‌بارانی دارستانی ناوچه‌كه‌یان كرد و ئاگریان له‌و دارستانه به‌ردا. ئاگره‌كه ماوه‌ی ٢ ڕۆژه به‌رده‌وامه و تا ئێستا ده‌یان هه‌زار هێكتار دارستان سووتاوه.
دانیشتوانی گونده‌كان بۆ ئه‌وه‌ی ڕێگری له سووتانی گونده‌كانیان بگرن، به تراكتۆر ده‌وروبه‌ری گونده‌كان ده‌كێڵن.
s.m
