فەرماندەی گشتیی یەرەکە ناسنامەی گەریلایەکی گیانبەختکردووی ڕاگەیان

یەرەکە، له‌ ڕاگه‌یه‌ندراوێكدا ناسنامەی گەریلایەكی ئاشكرا كرد کە بەهۆی «ڕووداوێکی نەخوازراو»-ەوە گیانی لەدەستداوه‌.

فەرماندەی گشتیی یەکینەکانی پاراستنی رۆژهەڵاتی کوردستان – یه‌ره‌كه‌ ڕاگه‌یه‌ندراوێكی بڵاوكرده‌وه‌ و ناسنامه‌ی گه‌ریلایه‌كی گیانبه‌ختكردووی ئاشكرا كرد كه‌ به‌هۆی ڕووداوێكی نه‌خوازراو گیانی له‌ده‌ستداوه‌.

له‌ ڕاگه‌یه‌ندراوه‌كه‌ی یه‌ره‌كه‌دا هاتووه‌: گەلی کورد لە کاتی تێپەڕاندنی قۆناغێکی هەستیار و مێژوویی دایە. تێکۆشانی بزووتنەوەی ئاپۆیی لە هەر چوار پارچەی کوردستان بڵاوبۆتەوە و ئەو بەرخۆدانه‌ی ئه‌مڕۆ لە عەفرین دەکرێت، قه‌رزباری خوێنی ئەو شەهیدانەیە کە قارەمانانە تێکۆشاون.

فەرماندەی گشتیی یەرەکە، ڕایگه‌یاند: ڕۆژی ٢٧ی ڕێبەندان/١٦ی شوبات، گەریلایەکی یه‌ره‌كه‌ كه‌ له‌ كه‌ركووكه‌وه‌ چووبووه‌ ڕیزی هێزەکانیانیان، بەهۆی ڕووداوێکی نەخوازراو لە هەرێمی ئاسۆس گیانی لەدەستداوه‌.

یەرەکە، بەو بۆنەیەوە سەرەخۆشی لە بنه‌ماڵه‌ی ئەو شەهیدە و هەموو گەلی وه‌ڵاتپارێزی کوردستان دەکات و بەڵێنی درێژه‌دان بە تێکۆشان ده‌دات تا گەیشتن بە ئازادی.

ناسنامەی شەهیده‌كه:

ناو و پاشناو: یوسف قازی

ناسناو: چیاگر گەرمیان

کات و شوێنی بەشداربوون: ٢٠١٧ – کەرکووک

کات و شوێنی شەهیدبوون: ٢٧ی ڕێبەندان/١٦ی شوبات – هەرێمی ئاسۆس

 

ش. م