هێزەکانی سوریای دیمۆکراتیک-قەسەدە لە راگەیێنراوێکدا جەختی کردەوە کە هێرشە داگیرکەرییەکان بەردەوامن و لە ئێستادا هەوڵ دەدەن پانتایی داگیرکەرییەکانیان بەرفراوان بکەن.

راگەیێنراوەکە بەم شێوەیەیە:

"جموجۆڵی سەربازیی سوپای تورکی داگیرکەر و گروپە چەتەکانی لە سەرتاسەری ناوچەکە بەردەوامە و بە مەبەستی بەرفراوانکردنی پانتایی داگیرکەرییەکانییان، چەندین ناوچەیان کردووەتە ئازانج و هێرش دەکەن سەریان.

ئەبو راسان

سوپای داگیرکەر و چەتەکانی لە گوندی ئینگ ئەل-هەواو عبدولحەی بە چەکی قوڕس هێرشیان بردە سەر ناوچە مەدەنییەکان و بە هەمان شێوە لە هەوڵی داگیرکردنی ناوچەی تردان. لە هەمان کاتدا جموجۆلی فڕۆکەی کەشف بۆ سەر ناوچەکەش بەردەوامییان هەیە.

تل تەمر

سوپای تورک بە چەکی قوڕسی وەکو ئۆبوس و هاوەن گوندەکانی تل مەناخ و ئوم ئەلکێف و تل تەول-یان بە شێوەیەکی چڕ بۆردومان کرد و لە هەمان کاتدا فرۆکەی بێ فڕۆکەوانی سوپای داگیرکەرانیش بەسەر ناوچەکەوە بەردەوەامن.

عین عیسا

سوپای داگیرکەران و هێزە روسییەکان، دوای ئەوەی لە دەوروبەری کۆگاکانی گەنم لە ناوچەی شێرگرات گەشتێکی سەربازییان ئەنجام دا، سوپای داگیرکەران بە ژمارەیەکی زۆری چەتەکانییەوە و بە تانک و تۆپ و چەکی قوڕس ئەو کاگایانەیان داگیر کردو لەوێ جێگیر بوون.

لە ئەنجامی هێرشی داگیرکەران و گروپە چەتەکانیدا، ٢ لە هەڤاڵانمان بریندار بوون.

ز.ش