دوای هەڵبژاردنی گشتیی شارەوانییەکان لە ٣١ی ئاداردا، کۆمیسیۆنی باڵای هەڵبژاردنەکان لە رێکەوتی ٦ی گوڵاندا ئەنجامەکانی هەڵبژاردنی شارەوانییەکانی ئیستانبولی ڕەتکردەوە. لە دووبارە کردنەوەی هەڵبژاردنی ئیستانبولدا ئەمرۆ کاتژمێر ٠٨:٠٠ هاووڵاتیان چوونە سەر سەندوقەکانی دەنگدان.

لەم هەڵبژاردنەدا نامزەدی جەهەپە ئەکرەم ئیمام ئوغڵو، بیناڵی یەڵدرم نامزەدی ئاکەپە ، نەجدەت گوکچەنار و مووستەفا ئیکەر نامزەتی پارتی وەتەن و ١٦ نامزەدی سەربەخۆیی تر بۆ شارەوانی ئیستانبوول خۆیان پاڵاوتووە.

لیستی هەڵبژاردنی پێشووی ٣١ی ئادار نوێ نەکرانەوە و لەم هەڵبژاردنەدا بەکارهێنرانەوە.

لە ٣٩ناوچەی ئیستانبول، ٦٢ بەندیخانە و ١٥٦ سەندوقی گەڕۆک بەگشتی ٣١هەزار و ٣٤٢ سەندوقی دەنگدان ئامادە کرابوو.

پرۆسەی دەنگدان لە کاتژمێر١٧:٠٠  کۆتایی پێهات. هەتاکو کۆمیسیۆنی باڵای هەڵبژاردن

قەدەغەی ڕووماڵکردن لانەبات، هیچ ڕاگەیەنراوێک لەسەرهەڵبژاردنی ئیستانبول بڵاوناکرێتەوە.

ک-ش