لە بەردەم کۆنسەی ئەورووپا گۆشەگیری ئیدانە کرا
کوردستانیان و دۆستەکانیان لە شاری بروکسلی بەلجیکا لە بەردەم کۆنسەی ئەورووپا بەئامانجی ئیدانەکردنی گۆشەگیری سەر رێبەری گەلی کورد عەبدوڵائۆجالان، چالاکییەکیان بەڕێوە برد.
کوردستانیان و دۆستەکانیان لە شاری بروکسلی بەلجیکا لە بەردەم کۆنسەی ئەورووپا بەئامانجی ئیدانەکردنی گۆشەگیری سەر رێبەری گەلی کورد عەبدوڵائۆجالان، چالاکییەکیان بەڕێوە برد.
نوێنەرایەتی پەیەدە، ناوەندی کۆمەڵگای دیموکراتیک و تەڤگەری ژنان بەئامانجی تیشک خستنەسەر گۆشەگیری ڕەها لەسەرئۆجالان و مانگرتن لەخواردن لە مەیدانی سخوومان لە بەردەم بینای کۆنسەی ئەورووپا چالاکییەکیان بەڕێوە برد.
چالاکییەکە کاتژمێر ١٤:٠٠ دەستیپێکرد، ئاڵاکانی پەیەدە، یەپەگە، یەپەژە و وێنەی ئۆجالان بەرزکرایەوە.
چالاکوانان بێدەنگی کۆمەڵگای نێودەوڵەتی و وڵاتانی ئەورووپاییان لەهەمبەر گۆشەگیری و مانگرتنەکان ئیدانەکرد. لەچالاکییەکەدا داگیرکردنی عەفرین لەلایەن دەوڵەتی تورکیاوە ئیدانەکرا.
لە چالاکییەکەدا نووسراوە بڵاوکرایەوە لە نووسراوەکاندا ئاماژە بە تاوانە دژە مرۆڤانەکەی سوپای تورکیا کرا کە هاووڵاتیانی مەدەنی دەکاتە ئامانج و ناتۆ وەک شەریکی ئەو تاوانە دەستنیشانکرا.
ک-ش