بەپێى بڕیارى ژمارە ٧٠١ى بارى نائاسایى تورکیا، کە لە رۆژنامەى فەرمیدا بڵاوکرایەوە، مامۆستایان و بەرپرسان و ئەکادیمیسییەکانى زانکۆی ئیجە و زانکۆی دۆکیوز ئەیلول و ئیزمیر، کە راگەیاندراوى ئاشتییان واژۆکردبوو، لەسەر کارەکانیان لابران.

ئەو کەسە ئەکادیمییانە لە زانکۆی دۆکیز ئەیلول دەرکراون بریتین لە: ١ – پرۆفیسۆر کتۆر موستەفا جەم تەرزی، ٢ – پرۆفیسۆر دکتۆر ئیزگە گیونال، ٣ – پرۆفیسۆر دکتۆر خەلیل رەسمی، ٤ – دکتۆر خالیس ئولاش، ٥ – پرۆفیسۆر دکتۆر یەشیم ئەدیس شاهین، ٦– پرۆفیسۆر دکتۆر ئایشەن ئویسال، ٧ – دکتۆر نوری ئەرکین باشەر، ٨ – لێکۆڵەر ئەحمەد ئایدن ئاری، ٩ – لێکۆڵەر سەراپ ساریتاش، ١٠ – راهێنەر ئەمەل یوڤایاپان، ١١ – لێکۆڵەر دیلەک قەرە بولوت، ١٢ – لێکۆڵەر ئۆزەر یەرسوڤەن.

بە گشتى لە زانکۆکانى دۆکیوز ئەیلول و ئیجە و ئیزمیر ٢٣ ئەکادیمیسییەن لەسەر کارەکانیان دەرکران. بەڕێوەبەری پێشوو عەدنان قاسمان-یش، کە راگەیاندراوى ئاشتیى واژۆکردبوو، لەسەر کارەکەى دەرکرا.

کاتێک سوپاى تورکیا هێرشى کردە سەر شارەکانى باکووری کوردستان و دەستیکرد بە خاپورکردن و تێکدانى شارەکان و کوشتارى هاووڵاتییان، لەلایەن ئەکادیمییەکان، مامۆستایانى زانکۆ و هونەرمەندانەوە راگەیاندراوێک بۆ ئاشتى بڵاوکرایەوە و داوا لە حکومەتى تورکیا هێرشەکانى رابگرێت، بەڵام حکومەتى تورکیا بەشێک لەوکەسانەى دەستگیرکرد کە راگەیاندراوەکەیانى واژۆکردبوو و بەشیکى تریشیانی لەسەر کارەکانیان دەرکرد.

ر.م