ژمارەیەک چالاکی كۆمهڵگهی سیڤیل، ئەندامانی پارت و لایەنەکانی رۆژهەڵاتی کوردستان و چەند چالاکێکی ئێرانی لە بەردەم باڵیۆزخانهی ئێران له برۆكسل-ی پایتهختی بهلجیكا گردبوونەوە. کوردستانییان و دۆستانیان لەسێدارەدانی بەکۆمەڵی لاوانی کورد لە ڕۆژهەڵاتی کوردستان و هێرشە مووشەکییهكهی ڕژێمی ئێران بۆ سەر بنكهكانی حزبی دیموکراتی کوردستان (حدک) و حزبی دیموکراتی کوردستانی ئێران (حدکا)یان شهرمهزار كرد.
کوردستانیان و دۆستانیان، پارت و لایەنەکانی وەک پەژاک (پارتیی ژیانی ئازادی كوردستان)، حزبی دیموکراتی کوردستانی ئێران (حدكا) و ژنانی ٨ی مایسی ئێران، لە وتە و درووشمەکانیاندا جەختیان لە یەکڕیزی و یەک دەنگی کوردانی ڕۆژهەڵاتی كوردستان و ئێرانییەکان کردهوە له بهرانبهر زوڵم و ستهمی ڕژێمی كۆماری ئیسلامی.
ئامادهبوان درووشمەکانی «شەهید نامرن، گەلی کورد یەکە»یان گوتهوه و سروودی ئەی شەهیدانیان چڕی. گردبوونەوەکە لە دوای دوو کاتژمێر کۆتایی هات.
s.m