ئەنجومەنى ژنانی کۆلن / بۆن لە شاری بۆنی ئەڵمانیا لەبارەى گەمارۆی سەر مەخمور و هێرشە داگیرکەرییەکانى دەوڵەتى تورک بۆ سەر باشووری کوردستان دۆسیەیەکیان پێشکەشی ئەنجوومەنى نەتەوە یەکگرتووەکان کرد.
کوردستانیانی ئەندامی ئەنجوومەنى ژنانی کۆلن / بۆن و یوکسەل کۆچ هاوسەرۆکى کۆنگرەى کۆمەڵگەى دیموکراتیکى کوردستانیان لە ئەوروپا (کەجەدەکە ئەوروپا / KCDK-E) دوێنێ لە شاری بۆنی ئەڵمانیا لە بەردەم بارەگای نەتەوە یەکگرتووەکان کۆبوونەوە. دەستەیەک وەک نوێنەرانی کوردستانیان لەبارەى گەمارۆی سەر مەخمور و هێرشە داگیرکەرییەکانى دەوڵەتى تورک دۆسیەکیان ئامادە کرد و پێشکەشی بەرپرسانى نەتەوە یەکگرتووەکانیان کرد.
لەلایەن ئەو چالاکوانانەوە پۆستەری "ئازادی بۆ گەلی کورد" بەرزکرایەوە و لە رێگەى وێنە و پۆستەرەوە گەمارۆی سەر کامپی مەخمور ئیدانە کرا. لە چالاکییەکەدا داوای خاوەنداریکردن لە مەخمور و رۆژئاواى کوردستان کرا.
ژ.ت
